​​​​​​​‛Divê PDK’ê helwesta xwe ji sûca siûqastkirina Şukrî Serhed zelal bike’

Bertekên têkildarî siûqastkirina têkoşerê Şukrî Serhed ku MIT’a Tirk li Silêmaniyê ya Başûrê Kurdistanê şehîd xistiye bilind dibin.

Meclisa Malbatên Şehîdan a Herêma Firatê siûqastkirina şehîd Şukrî Serhed şermezar kir û hêrsa xwe li hember êrişên hovane yên artêşa Tirk a dagirker li dijî malên sivîlan ên li Kurdistanê û siûqastkirinên li dijî têkoşer û fermandarên Kurd nîşan da.

Endamê Meclisa Malbatên Şehîdan a navçeya Sirînê ya 35 kîlometre li başûrê Kobanê, Ferdos Kino wiha got: "Siûqastkirina hevrê Şukrî Serhed ji hêla dewleta Tirk a dagirker ve planeke nû ya têkbirina vîna me ye ku bi rêya ajanên wê ye ku têkoşer û fermandarên Kurd hedef digire."

Ferdos Kino wiha domand: "Em Meclisa Malbatên Şehîdan piştrast dikin ku dewleta Tirk a dagirker nikare vîna me têk bibe. Em ê li hember êrişên li dijî herêmê li ber xwe bidin. Ji ber şehîdan nexşeya berxwedanê ji me re ava kir."

Endama Meclisa Malbatên Şehîdan a navçeya Sirînê Behdînan Şêx Mihemed jî wiha got: "Piştî binketinên dubare dewleta Tirk a dagirker bi firokeyên bêpîlot û siûqastan têkoşer û sivîlan hedef digire."

Behdînan Şêx Mihemed ev tişt anî ziman: "Divê PDK’ê tevkariya bi MIT’a Tirk ku qirkirina kurdan armanc dike berde. Bes e îxanet. Ji ber dem dema birydardayînê ye û ne wergirtina perspektîfan ji MIT’a Tirk e."

Li aliyekî din jî endama Meclisa Malbatên Şehîdan a Kobanê Emîne Yasîn wiha got: "Tiştê ku dewleta Tirk a dagirker kiriye karekî tirsonek e û PDK’ê jî hevkar e. Ez ji kesên vê partiyê bi rê ve dibin re dibêjin: gelo hûn ji xwe şerm nakin?"

Emîne Yasîn wiha gotina xwe bi dawî kir: "Em kurdên li Rojava siûqastên li dijî têkoşerên xwe çi li hundirê Rojava çi jî li derveyî wê qebûl nakin. Armanca dewleta Tirk a dagirker eşkere ye û wê şerekî topyekon li dijî me ragihandiye. Ji lew re divê PDK’ê li hesabên xwe vegere û helwesta eşkere nîşan bide, yan ji tevkariya bi Tirkiyê berde yan jî li aliyekî bimîne û nebe tevkarî siûqastkirina pêşengên me."

(fr)

ANHA

<iframe width="560" height="315" src="https://www.youtube.com/embed/fXrtUgWYQxo" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>