Almanya piştî 7 salan careke din balyozxaneya xwe li Lîbyayê vekir

Wezîrê karên derve yê Almanyayê Haiku Mas di serdana xwe ya li Terablusê de banga vekişandina çeteyên biyanî ji Lîbyayê kir û bi daxuyaniyekê ji çapemeniyê re got: "Xebata vekişandina hêzên biyanî bi leza ku me dixwest pêk nayê."

Mas di serdaneke nîşka de gihaşt Terablusê, ew serdana ji bo piştevaniya merheleya demkî û bi rasthatina jinûve vekirina balyozxaneya welatê wî li Terablusê piştî girtina 7 salan, pêk hat.

Mas dê bi nûnerên Meclisa Serokatî û serokwezîr Ebduhemîd El-Debîbe û nûnerên Komîteya Neteweyî ya hilbijartinan re bicive.

Têkildarî çareserkirin aloziya Lîbyayê li Almanya du kongreyên navneteweyî "Barlin 1" û "Barlin 2" hatin lidarxistin.

 Ji dema ku şandeya navneteweyî ya ji bo Lîbyayê di 5’ê Sibata borî de avakirina desthilata rêveber a nû ragihand, dosyaya çeteyên biyanî ya li Lîbyayê dîsa derket pêş. Li gel wê banga rêzgirtina ji nexşerêya navneteweyî ji tedbîrên hilbijartinên parlamento û serokatiyê re hatin kirin.

DYA’yê û dewletên dîtir soz da ku serweriya xwe ya dîplomasî pêk bîne ku yekser çeteyan ji Lîbyayê derxe, lê dewleta Tirk a ku bi hezaran çete li Lîbyayê belav kirine bê deng e.

(fr)