Faris Herbo: Divê Iraq li hemberî dewleta Tirk bêdeng nemîne

Şengal ji 16'ê Tebaxê ve ji aliyê dewleta Tirk ve tê bombebarankirin û di encamê de fermandarekî Yekîneyên Berxwedana Şengalê (YBŞ) Seîd Hesen û şervanekî YBŞ`ê şehîd bûn û hin sivîl birîndar bûn.

Rêveberê Komîteya Têkiliyan a Rêveberiya Xweser a Şengalê Faris Herbo têkildarî mijarê ji ajansa me re diyar kir ku Şengal ji 16'ê Tebaxê de ji aliyê balafirên dewleta Tirk ve tê bombebarankirin û armanc jî ku herêmê dagir bike û gel koçber bike.

Faris Herbo got: "Mixabin me di 16'ê Tebaxê de fermandarekî êzidî Seîd Hesen ku rêveberiya YBŞ’ê dikir û biraziyê wî, winda kir.”

Faris destnîşan kir ku dewleta Tirk careke din Şengal kir hedef û nexweşxaneya gundê Sekîniyê ya başûrê çiyayê Şengalê bombebaran kir û di encamê de birîndar û şehîd çêbûn.

Herbo  piştrast kir ku ev êriş berdewama qirkirina civaka êzidî ye û got: “Îro em dibînin ku dewleta Tirk bi seroketiya Erdogan dixwaze tişta ku DAIŞ'ê dest pê kiriye, temam bike û gelê êzidî tune bike."

Faris Herbo di dawiyê de got çima hikumeta Iraqê ku parastina gelê xwe li hemû deverên Iraqê berpirsyariya wê ye, bê deng maye?

(dm)

ANHA