Li Hecînê têkildarî tundiya malbatî semînerek hate dayîn

Semîner ji aliyê Meclisa Gel a bajarê Hecînê ve li hola civînan a meclisê  hate dayîn. Bi dehan şênî amade bûn.

Piştî deqeya rêzgirtin, Seroka Komîteya Jinan a Meclisa Gel a Hecînê Xîtam Hido behsa mafên zarokan û azadiya wan û dûrketina ji pêkanîna tundiya li ser wan kir.

Serokê Meclisa Partiya Sûriya Pêşerojê ya Hecînê Mihemed Şaban El-Zayid bal kişand ser tundiyê, cûreyên wê, sedemên wê û bandora tundiya malbatî ya li zarokan û jinan.

Her wiha hevserokê Meclisa Gel a Hecînê Selah El-Selman îşaret bi girîngiya çandê perwerdekirina zarokan û nepêkanîna cûdekariyê di navbera wan de kir.

Hevseroka Meclisa Şaredariya Gel a Hecînê Ehed El-Mergaz behsa çawaniya bidawîkirina tundiyê kir û diyar kir ku tundî bandoreke neyinî li jiyana malbatê bi taybet li zarokan dike.

 Her wisa behsa rêbazên tunekirina tundiyê hate kirin, li ser vê yekê girîngiya vekirina dewreyên perwerdeyê bi awayekî domdar da ku civak were hişyarkirin û asta çandê li gel were xurtkirin, her wiha pêwîstiya destekdayîna saziyên perwerdeyê, vekirina navendên ji bo jin û zarokên ku kesên wan tuneye xwedî li wan derkeve, hatin destnîşankirin.

ANHA

<iframe width="560" height="315" src="https://www.youtube.com/embed/t2ED3_ylNTc" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>