Rêxistina Sara li ser bûyerên kuştina jinan hişyarî da

Bertekên bi hêrs ên li dijî kuştina her du zarokan “Eyde El-Seîdo û Aye El-Xilêf” li bajarê Hesekê bi destê malbatên wan di bin navê şerefê de, dewam dikin. Rêxistinên jinan û yên hiqûqî banga darizandin û cezakirina kujeran dikin.

Îro Rêxistina Sara ya têkoşîna li dijî tundiya li ser jinan dauxyaniyek da û kuştina zaroka bi navê Aye El-Xilêf li bajarê Hesekê şermezar kir.

Koordînatora xebatên Rêxistina Sara, Menal Hisên daxuyanî li pêş navenda rêxistinê ya li taxa Kornîş a Qamişlo xwend.

Rêxistinê di daxuyaniyê de got: “Hîna hefteyek li ser bûyera bi êş a kuştina Eyde re derbas nebûye, îro em bi êşeke din a kuştina Aye El-Xilêf re rû bi rû ne.”

Di daxuyaniyê de hate piştrastkirin ku ev sûcekî nû ye li rêzesûcên kuştina jinan zêde dibe, ku heta niha li tevahî welatên cîhanê dewam dikin û hate destnîşankirin ku ev sûcekî li dijî mirovahiyê û zarokatiyê ye.

Rêxistina Sara di daxuyaniyê de diyar kir ku ev kiryarên hov encama urf û adetên kevin û zihniyeta baviksalar e û bang li aliyên peywendîdar û rêxistinên navneteweyî, herêmî û tevgerên jinan kir ku sûcdaran ceza bikin.

(cx)

ANHA