Ciwanên Efrînê salvegera şehadeta Mahsûm Korkmaz bi bîr anî

Tevgera Ciwanên Şoreşger a Sûriyê ya herêma Efrînê îro meşek bi meşaleyan li navҫeya Fafîn a kantona Şehbayê ji bo bîranîna salvegera şehadeta Mahsûm Korkmaz, li dar xist.

CIWAN

28 adar, 2021 19:20

ŞEHBA

Bi dehan endamên Tevgera Ciwanên Şoreşger a Sûriyê ya herema Efrînê li ser rêya di navbera bajarokê Babinês û Fafînê de kom bûn û alên Tevgera Ciwanên Şoreşger a Sûriyê, Yekitiya Jinên Ciwan, wêneyên rêber Abdullah Ocalan û meşaleyên agir hildan.

Meş li tevahî taxên navçeya Fafînê gerî û tê de diruşmên silavkirina berxwedana girtiyan, şêniyên Efrînê û HPG’ê ya li çiyayên Kurdistanê hildan.

Meş li qada Dibistana Ajotinê ya navҫeya Fafînê vegerî mîtîngê û deqeyeke rêz girtin, piştre endama Tevgera Ciwanên Şoreşger a Sûriyê ya herêma Efrînê Wersîl Abdulhemîd daxuyanî xwend.

Di daxuyaniyê de hate gotin şehîd Egîd di girtîgeha dewleta Tirk a dagirker de berxwedaneke bêhempa pêk anî û bedena xwe kir rêya ronahiya azadiyê.

Di dawiya daxuyaniyê de hat piştrastkirin divê ciwanên şoreşger û tevahî gel şopdarên rêya şehîd Egîd û tevahî şehîdên azadiyê bin, heta armancên wan pêk tînin.

Meş bi diruşmên silavkirina şehîdan bi dawî bû.

(dm)

ANHA