Li Minbicê pîrozbahiya salvegera damezrandina Partiya Sûriya Pêşerojê

Şahî bi diruşma "Bi hev re ber bi avakirina Sûriyeke demokratîk, ne navendî û pirrengî ve" li Hola Kela Necim a rojhilatê bajarê Minbicê hate lidarxistin. Nûnerên siyasî Rêveberiya Sivîl a Demokratîk a Minbic û gundewarê wê, rûspiyên bajarê Minbicê û endamên meclisa partiyê ya Reqayê amade bûn.

Piştî deqeya rêzgirtin, Seroka Meclisa Partiya Sûriya Pêşerojê ya Minbicê Ezab El-Ebûd axivî û got: ʺ Vîn û pêşengiyeke siyasî pêwîst e, da ku karibe ji zehmetiyên vê qonaxê re bibe bersiv û Sûriyê ji aloziyê derxîne. Avabûna Partiya Sûriya Pêşerojê nasnameya Sûriye ya ku bi çand, beş û pêkhateyên xwe dewlemend e îsbat bike da ku hêviyên gelê wê di jiyaneke azad û bi rûmet de pêk bîne."

Piştre endama Meclisa Jinan a Minbicê Refîf El-Semran axivî û diyar kir ku di Adara 2018  ́an de fikira damezrandina Partiya Sûriya Pêşerojê derket, da ku tevahî pêkhateyên gelê Sûriyê bihewîne û da zanîn ku beşdariya jinan di jiyana siyasî de yek ji bingehên herî girîng ji bo avakirina civakek demokratîk a azad e.

Bi navê rûspiyên eşîrên Minbicê Şêx Sadiq El-Esîdî destnîşan kir ku Partiya Sûriya Pêşerojê dixwaze Sûriya ava bike û yekitiya sûriyan bi tevahî pêkhatiyên wê pêk bîne.

Serokê Meclisa Ciwanên Partiya Sûriya Pêşerojê ya Minbicê Ednan Xelîfê got, ciwan stûna şoreşa gelan a rasteqîn e û ji her pêşketin û geşedanan re çi siyasî be û çi civakî be hêvî ne. Xelîfa banga piştgiriya ciwanan kir da ku rola xwe di civakê de û tevahî qadên jiyanê de xurttir bikin.

Şahî bi pêşkêşkirina stran û helbest bi dawî bû.

(dm)

ANHA

<iframe width="560" height="315" src="https://www.youtube.com/embed/jn1ffqc4p9Q" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Piştre endama Meclisa Jinan a Minbicê Refîf El-Semran axivî û diyar kir ku di Adara 2018  ́an de fikira damezrandina Partiya Sûriya Pêşerojê derket, da ku tevahî pêkhateyên gelê Sûriyê bihewîne û da zanîn ku beşdariya jinan di jiyana siyasî de yek ji bingehên herî girîng ji bo avakirina civakek demokratîk a azad e.

Serokê Meclisa Ciwanên Partiya Sûriya Pêşerojê ya Minbicê Ednan Xelîfê got, ciwan stûna şoreşa gelan a rasteqîn e û ji her pêşketin û geşedanan re çi siyasî be û çi civakî be hêvî ne. Xelîfa banga piştgiriya ciwanan kir da ku rola xwe di civakê de û tevahî qadên jiyanê de xurttir bikin.