Bi boneya 8'ê Adara mûm li ser gorên şehîdan hatin pêxistin

Di çarçoveya rêzeçalakiyên 8`ê Adarê  Roja Jinan a Cîhanê de, şêniyên Dêrikê, Girkê Legê û  Çilaxa yên kantona Qamişlo, taxên Şêxmeqsûd û Eşrefiyê yên Helebê û şêniyên Efrînê jî li Şehbayê li goristanên şehîdan kom bûn û mûm li ser gorên şehîdan pêxistin.

QAMIŞLO

Bi sedan  şêniyên Dêrikê, Girê Legê û Çilaxa yên kantona Qamişlo serdana  goristana Şehîd Xebat Dêrik kirin.

Girse li deriyê ketina goristanê deqeyeke rêz girtin, piştre derbasî nava goristana Şehîd Xebat bûn û mûm li ser gorên şehîdan vêxistin.

HELEB

Li Helebê jî bi heman boneyê îro bi dehan malbatên şehîdan û şêniyên taxên Şêxmeqsûd û Eşrefiyê berê xwe dan goristanê da ku beşdarî çalakiya ku ji aliyê Tevgera Jinên Ciwan hatiye lidarxistin, bibin.

Ji bo bîranîna şehîdên azadiyê deqeyeke rêz hate girtin. Piştre Endama Rêveber a Meclisa Malbatên Şehîdan Roşîn Mûsa û Endama Tevgera Jinên Ciwan Silava Kîbar axivîn.

Di axaftinan de 8`ê Adarê li tavhiya jinên cîhanê hate pîrozkirin û îşaret bi destkeftiyên ku jinan di hemû qadên leşkerî, siyasî û aborî de bi dest xistine, hate kirin.

Piştre wêneyên 15 şehîdên Şoreşa 19`ê Tîrmehê Arîn Mîrkan, Zehra Berkel li kêleka Barîn Kobanê û Hevrîn Xelef û gelek şehîdên din li nêzî gorên şehîdan danîn.

Çalakî bi vêxistina mûman li ser gorên şehîdan û zindîkirina salvegera wan bi dawî bû.

ŞEHBA

Bi heman armancê, bi dehan endamên Kongreya Star, Endamên Meclisa Malbatên Şehîdan a herêma Efrînê, endamên rêxistinên civaka sivîl berê xwe dan goristana şehîdan a navçeya Ehresê ya kantona Şehbayê.

Dema beşdar gihaştin goristana şehîdan, deqak rêzgirtin girtin, piştre endamên Kongreya Star spasnameyeke goristanên şehîdan ên li bajarê Efrînê ya dagirkirî û kantona Şehbayê pêşkêşî Meclisa Malbatên Şehîdan kir û dûvre mûm li ser gorên şehîdan vêxistin.

(eh)

ANHA