Radyoya "Dengê Sacûr Fm" hate vekirin

Nûnerên Rêveberiya Sivîl a Demokratîk a bajarê Minbic û gundewarê wê, endamên saziyên leşkerî û nûnerên partiyên siyasî yên Minbicê beşdarî merasîmê bûn.

Merasîm bi deqeyeke rêzgirtin dest pê kir. Piştre hevserokê Meclisa Qanûnsaz a Minbicê Mihemed Elî El-Ebo axivî û got: "Sacûr sembolahezkirin, buhar û her tiştên ku jiyanê didin e. Em bi hêvî ne ku kesên li ser xebatê vê radyoyê disekinin ku kar û xebatên wan li gorî vî navî be, her wiha bi hêvî ne ku ev radio ne tenê ji bo bajarê Minbicê be, di heman demê de ji bo tevahî Bakur û Rojhilatê Sûriyê be."

Bi navê Yekitiya Ragihandina Azad, rojnamevana ajansa Jin news'ê Sîbîlya Îbrahîm diyar kir ku ew rojnamevanên Minbicê hewl dide xebatê ragihandinê li Minbicê pêş bixînin û bibin dengê tevahî pêkhateyên bajarê û dengê jinên azad.

Radyoya "Dengê Sacûr Fm" dê li ser pêla 7.107 weşanê bike, dê bernameyên siyasî, çandî, civakî bi zimanên tevahî pêkhateyên Minbicê, Kurd, Ereb, Çerkes û Tirkman beweşîne.

Ev radyo navê xwe ji çemê Sarûcê yê ku di Minbicê re derbas dibe girtiye.

ANHA

<iframe width="560" height="315" src="https://www.youtube.com/embed/UcLRx5_UvmE" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>