Desteya Çandê hunermend Faris Bavê Fîras xelat kir

Di şahiyê de heval û dostên hunermend Faris Bavê Fîras, endamên saziyên çand û hunerê yên bajarê Qamişlo û Yekitiya Rewşenbîrên Herêma Cizîrê amade bûn.

Şahî bi deqeyeke rêzgirtin dest pê kir, piştre cîgirê hevserokatiya Desteya Çandê ya Herêma Cizîrê Danîş Botan bixêrhatina mêvanan kir û diyar kir ku destkeftiyên ku wan heta niha bi dest xistine wekî çand, wêje, urf û adat berhemên keda şehîdan e û got: "Erkê me ye wekî Desteya Çandê xwedî li çand û li hunermendên xwe derkevin, ev yek soza me ye. "

Botan da xuyakirin ku barê huner û hunermendan giran e, ji ber ku erkê hunermendan e ku çanda xwe ya resen di nava civakê de belav bikin û wiha got: "Dema em dibêjin barê hunermendan giran e, pîvanê hunermendan hezkirin e, zihniyeteke baqij û xwedî wijdanin. Divê em li gorî pîvanê civakê em hunera xwe têxin xizmeta civakê."

Danîş Botan destnîşan kir ku yek ji wan hunermendê navdar û pîroz ê xwediyê kedê Faris Bavê Fîras e,  ji 50`î salî ve xizmeta çanda kurdewariyê dike.

Piştre deste û Gerînendeya Çandê  xelat pêşkêşî hunermend Faris Bavê Fîras kir.

Hunermend Faris Bavê Fîras axivî û spasiya Desteya Çandê ya herêma Cizîrê kir.

Di dawiyê de Hunermend Faris Bavê Fîras çend stranên xwe gotin.

(sb)

ANHA

<iframe width="560" height="315" src="https://www.youtube.com/embed/6G9rWuidV7I" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>