Şêniyên Efrînê çalakiyên kurdistaniyên li Ewropayê silav kir

Meclisa kantona Efrînê bi diruşma "Bi rihê Avêsta Xabûr û Îlan Dara em ê teqez bi ser bikevin" meşeke girseyî li dar xist. Bi hezaran şêniyên Efrînê li ser rêya di navbera gundê Til Qirah û kampa Serdemê de kom bûn û wêneyên şehîdên Berxwedana Serdemê û wêneyên şehîdên komkujiya Til Rifetê û pankartên li ser têkbirina dewleta Tirk li Garê de hilda bûn.

Meş bi diruşmên silavkirina berxwedanên Garê û Serdemê û çalakiyên ku kurdistaniyên li Ewropa yên ji bo muhasebekirina dewleta Tirk û çeteyên wê li ser sûcên wê li Efrînê dest pê kir.

Meş li kampa Serdemê ya girêdayî navçeya Ehdas a kantona Şehbayê re rawestiya û deqeyeke rêz hate  girtin. Piştre cîgirê hevserokê Meclisa Kantona Efrînê Mihemed Ebdo axivî û wiha got: "Em silavên şoreşgerî ji kurdistaniyên li Ewropa re yên ku li hember zulm û destpotiya li dijî Efrînê ku bi çalakiyên xwe sekinîne re, dişînin."

Mihemed Ebdo wiha domand: "Şêniyên Efrînê yên berxwedêr ên di kamp û malên wêrankirî de li hember êrişên bêserûber û dorpêçê li ber xwe didin û ji cîhanê re tevahî re sepand ku tu kes nikare vîna gel, xwestekên wê yên hiqûqî û azadî bişikînin."

Ebdo bang li tevah gelê Kurd ê li hemû cîhanê kir ku asta têkoşînê bilind bikin û got: " Ji ber dem dema azadiyê ye û dema gelên ku bi dirêjahiya salan ratî zulm û destpotiyê hatiye, da ku Efrînê û tevahî herêmên dagirkirî rizgar bikin."

Li aliyekî din jî endama rêveber a Kongreya Star a herêma Efrînê Şêrîn Hesen got, tevî êriş û astengiyan berxwedana şêniyên Efrînê heta rizgarkirina Efrîn û tevahî heêrmên dagirkirî berdewam e.

Meş bi diruşmên silavkirina Berxwedana Serdemê bi dawî bû.

(fr)

ANHA

<iframe width="560" height="315" src="https://www.youtube.com/embed/jYJmzkyYoso" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>