Ji bo şehîdê YPG'ê Ebû Şêro merasîmeke hate lidarxistin

Merasîm li kampa Berxwedan a kantona Şehbayê hate lidarxistin. Bi sedan şêniyên herêma Efrînê beşdarî merasîmê bûn. Qada merasîmê bi wêneyên şehîd, wêneyên rêber Abdullah Ocalan û alên Meclisa Malbatên Şehîdan hatibû xemilandin.

Merasîm bi deqeyeke rêzgirtin dest pê kir. Bi navê Meclisa Malbatên Şehîdan a Kantona Şehbayê Mihemed Welo axivî, sersaxî ji malbata şehîd re xwest û got: "Ev şehîd şehîdên welat in, di oxira parastina welat û doza xwe de canê xwe kirin feda.

Li ser navê rêveberiya Meclisa Kantona Şehbayê, Wefa El-Hisên şehîdên azadiyê bi bîr anîn û got: "Van şehîdan li hemberî zilm, zorê û terorê serî rakirin û di pêvajoya şoreşê de gelê xwe parastin."

Piştre sekretêrê giştî yê Hevbendiya Niştimanî ya Sûriyê Ehmed Erec got: "Silav li giyanê şehîdan ê pak, şehîd namirin, di nav me de dijîn. Şehîdan, DAIŞ li Endan û Keştear şikandin, ew in fedayî û lehengên ku di oxira azadiyê de canê xwe da."

Piştî axaftinan, endamê Meclisa Malbatên Şehîdan Ehmed Remo nasnameya şehîd xwend û radestî malbata wî kir.

Merasîm bi diruşmeyên "Şehîd Namirin" bi dawî bû.

ANHA

<iframe width="560" height="315" src="https://www.youtube.com/embed/W4vZ3IqRz8E" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>