Merasîma şehîd Silêman Hesen li Dirbêsiyê hate lidarxistin

Bi sedan şêniyên Dirbêsiyê û endamên saziyên sivîl beşdarî konê sersaxiyê yê gerîlayê HPG`ê Silêman Hesen bûn. Kon li gundê Xenamiyê hat vegirtin, bi wêneyên şehîd û rêber Abdullah Ocalan hate xemilandin.

Merasîm bi deqak rêzgirtinê dest pê kir, paşê bi navê Meclisa Malbatên Şehîdan Mihmed Xetîb axivî û sersaxî ji malbata şehîd re xwest û wiha axaftina xwe domand: "Em bejna xwe li hemberî şehîdên azadiyê ditewînin, ew şehîdên tevahî gelên ku hîn jî di din zilim û zordariyê de ne."

Paşê bi navê QSD`ê Hisên Koçer axivî û îşaret bi wateya şehadet û girêdana wê bi erd û civakê re kir.

Hisên Koçer di dawiya axaftina xwe de soz da gelê herêm û malbata şehîd ku ew ê şopdarê rêya şehîdan bin, parastina xak û destkeftiyan bikin.

Li aliyekî din jî li ser navê malbata şehîd meta şehîd, Evîn Hesen axivî û destnîşan kir ku ew bi şehadeta biraziyê xwe serbilind e.

Di dawiya merasîmê de endama Meclisa Malbatên Şehîdan Sozdar Mihemed wesîqeta şehadetê xwend û radestî malbatê kir.

(eh)

ANHA 

<iframe width="560" height="315" src="https://www.youtube.com/embed/fcdCOFlG6eo" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>