Ji Şaredariya Gel Helebê tedbîrên rêgirtina li ber belavbûna koronayê

Şaredariya Gel a taxên Şêxmeqûsd û Eşrefiyê yên bajarê Helebê ji bo rêgirtina li ber belavbûna vîrusa Koronayê (Covid-19) gelek tedbîr girtin.

CIVAK Û JIYAN

3 îlon, 2020 14:24

HELEB- HENAN MIHEMED

Şaredariya Gel, kolên sereke û yên şaxê, taybet cihên bi qarbalex û sûkên girtî dezenfekte kirin.

Xebatên dezenfektekirinê ji taxa Benî Zeyd û Eşrefiyê dest pê kir ta beşê rojavayê taxê Şêxmeqsûd û Marûf dewam kirin.

Li ser mijarê, hevseroka Şaredariya Gel a taxên Şêxmeqsûd û Eşrefiyê Fatima Heyder destnîşan kir ku tedbîrên ku şaredariya girtine ji bo parastina ji nexweşiyên mîna korona û laşmanyayê ye û got: "Bi rêya alavan me dermanên mêş û mûran reşandin, kolanên sereke, bi taybet yên pir qarbalex dezenfekte kirin. Kolnên şaxî jî bi destan ji aliyê karkerên şaredariyê ve tên dezenfektekirin."

Fatima diyar kir ku xebatên dezenfektekirin û reşandina dermananê meş û mûran berdewam in û bang li şêniyên kir ku tedbîrên xweparastinê ji koroanyê bi cih bînin, "Mask û lepikan li xwe bikin, kom nebin û cihên paqijiya kolanan dîqet bikin."

ANHA