Li Dêrazorê meşa "Na ji fitneyê re..milîsên Îranê ji rojhilatê Firatê derxînin"

Meş ji herêma Ezba ya gundewarê bakurê Dêrazorê dest pê kir û ber bi çerxerêya kargehan a gundewarê rojava dewam kir.

Di meşê de pankartên wekî "Îran û Rûsya ji xak û malên me derxînin", "Şêxên eşîrên me yên ku daxwaze hilweşandina rejîmê nekin nûnertiya me nakin" û "Ji mezhebperestiyê re na" hatin vekirin.

Di meşê de bang li Koalîsyona Navneteweyî û Hêzên Sûriyeya Demokratîk hate kirin ku "Milîsên Îranê" ji rojhilatê Firatê derxînin. Her wiha hate gotin ku milîsên Îranê guhertina demografîk pêk tînin û şêniyên gundên "Hisêniyê, Hetla, Salihiya, Mirat, Tabiya, Xeşam û Mezlûm" ên rojhilatê Firatê koçber dike.

Ev demeke li gundewarên Dêrazorê xwepêşandan ji bo derxistina "Milîsên Îran, hêzên rejîma Sûriyê û hêzên Rûsyayê" ji Dêrazor û rojhilatê Firatê tên lidarxistin. Xwepêşanderan diyar kirin ku ew ê her în di nava çalakiyan de bin heta daxwazên wan bi cih werin.

ANHA

<iframe width="560" height="315" src="https://www.youtube.com/embed/OUvE49Sns-g" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>