Akademiya Şehîd Dijwar Efrîn dewreya perwerdeyê ya yekemîn bi dawî kir

100 şervanên ji pêkhateyên herêmên Bakur û Rojhilatê Sûriyê beşdar dewreya perwerdeyê bibûn ku du mehan dewam kir. Di dewreyê de waneyên siyasî, bîrdozî, çandî û perwerdeyên leşkerî hatin dîtin.

Di merasîmê qedandina dewreya yekemîn a bi navê Şehîd Şiyar de de hejmarek fermadarên QSD, endamên meclisên kantona Girê Spî û Eyn Îsayê amade bûn.

Merasîm bi silavdayîna şehîdan û sûnda leşkerî dest pê kir. Piştre fermandarê Meclisa Leşkerî ya  Girê Spî Riyad El-Xelef bidawîkirina dewreya perwerdeyê li şervanan pîroz kir û ji wan xwest ku tişta di perwerdeyê de dîtine di jiyanê de bixin pratîkê.

Her wiha anî ziman ku divê şervan xwe ji aliyê leşkerî ve xurt bikin û amade bin, nemaze ku gefên êrişan li ser herêmên Bakur û Rojhilatê Sûriyê tê xwarin.

Di dawiya de şervanên ku beşdarî perwerdeyê bibûn merasîma leşkerî li dar xistin.

Şehîd Şiyar ê navê perwerdeyê lê hate kirin, ji bajarê Kobanê ye, di bersivayîna êrişên dagirkeriya Tirk ên li ser navçeya Eyn Îsayê de şehîd bû.

(rm)

ANHA

<iframe width="560" height="315" src="https://www.youtube.com/embed/XOPvVjB7fx8" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>