Li Reqayê mihrîcanên zarokan bi dawî bûn

Bi sponseriya Komîtya Çand û Hunerê ya Tebqayê, Komîteya Çand û Şûnwaran  a Reqayê û koordîneya Rêveberiya Jinan a Tebqayê bi diruşmeya "Zarokatiya bidin me, aştiyê bidin me" Yekemîn Mihrîcana Aştiyê ya Zarokan û Yekemîn Mihrîcana Kulîkên Firatê li dar xistin.

Mihrîcan li dibistana Sefsaf a rojhilatê Tebqayê bi dawî bûn. Nûnerên Rêveberiya Sivîl a Demokratîk a herêma Tebqayê tevî bi dehan şêniyên gundê Sefaf di şahiyê de amade bûn.

7 komên zarokan bi cil û bergên xwe yên folklorî beşdarî mihrîcanê bûn.

Koma Kulîlkên Firatê, Koma Hunerên Gelerî yên Navenda Çand û Hunerê ya Tebqayê, Koma Stranên folkêlorî ya Navenda Çandê ya Reqayê berhemên xwe pêşkêş kirin.

Her wiha Koma Şanoyê ya Navenda Çand û Hunerê ya Tebqayê şanoyek bi navê "Hevkarî" û Koma Şano ya girêdayî Navenda Çandê ya Reqayê bi navê "Hûta" şano pêşkêş kirin.

Koma Kevneşopiya Kurdî ya Navenda Çand û Hunerê ya Tebqayê stran li ser Efrîn û binpêkirinên dagirkeriya Tirk gotin.

Mihrîcan bi gerandina xelekên govendê li ber stranên folklorî bi dawî bû.

ANHA

<iframe width="560" height="315" src="https://www.youtube.com/embed/PRKkfAeu2Wo" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>