Barîş Çakan bi çalakiyeke hunerî li Helebê hate bîranîn

Çalakî ji aliyê navenda çand û hunerê ya Cemîl Horo ya Helebê ve li parka Îstîqama ya taxa Eşrefiyê hate lidarxistin. Bi şênî amade bûn. Ev çalakî ji bo bîranîna ciwanê Kurd Barîş Çakan hate lidarxistin ê ku dema li stranên kurdî guhdar dikir li Enqereyê ji aliyê faşîzma dewleta Tirk ve hate şehîdxistin.

Çalakî bi deqeya rêzgirtin a bîranîna şehîdan dest pê kir. Piştre hevseroka Malbendiya Heleb a Rewşenbîran Leyla Xalid bi xêrhatina beşdaran kir û got: "Dema ku mijar girêdayî kurdan be dijmin dibin yek êrişên xwe zêde dikin û bi qedera gelê me dilîzin, hewl didin hebûn, çand û dîroka me tune bikin."

Leyla destnîşan kir ku Barîş ne şehîdê yekemîn û ne jî yê dawî ye ku ji ber guhdarkirina li mûzîka Kurdî tê qetilkirin  û got: "Em bi hemû rê û rgêzan têkoşîna parastina çanda gelê xwe bidomînin."

Piştre beşdaran berhemên xwe yên mûzîkê diyarî şehîd Barîş û hemû şehîdên azadiyê kirin.

Bi rêya internet jî mûzîkjenê kemanê Stêrk Elî ji Siwêdê û mûzîkjen bizqê Yûsif Rojava ji Almanyayê mûzîk pêşkêş kirin.

ANHA

<iframe width="560" height="315" src="https://www.youtube.com/embed/ajyQ-PcnJaY" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>