'Em banga bilindkirina berxwedanê heta rizgarkirina xaka Sûriyê ji artêşa Tirk dikin'

Têkildarî êrişên dewleta Tirk ên li dijî kantona Kobanê ku di encamê de 3 jinên têkoşer şehîd bûn, Rêveberiya Xweser a Herêma Efrînê daxuyaniyek da.

Daxuyanî wiha:

"Diyar e ku dewlet û nexasim dewletên mezin ji dîrokê dersan dernaxin û rê li pêşiya bûyerên trajedîk nagirin, ji dîktatorên sedsala 20`an bigire ku ji cîhanê tevahî re perîşanî anîn, ji wan dîktatoran Hîtler, Mîlosevîc û Sedam Huseyîn ên ku li dijî gelan komkujî pêk anîn û hîn jî şopên wan ên derûnî û civakî hene. Ev şer û dîktatorî tenê ji bo berjewendî û hesabên şaş ên dewletên zilhêz bûn.

Îro jî hikumeta AKP`ê bi serkêşiya Erdogan heman tecrube û ezmûnan dubare dike, nexasim di van deh salên dawîn de ku bi Bihare Gelan hate binavkirin. Dewleta Tirk destwerdana aloziya Sûriyê kir û nakokiyên Sûriyê kûrtir kirin, piştgiriya komên terorîst hem ji aliyê perwerdeyê ve û hem jî ji aliyê pereyan ve kir û gelê Kurd ê ku bi serkêşiya YPG û YPJ`ê li şûnê cîhanê tevahî ve şerê terorîstan dike, kir armanc. Ji keleha berxwedanê Kobanê bigire ku yekemîn bajarê DAIŞ`iyên cîhanî tê de şikestin.

Sûcên dewleta Tirk û çeteyên wê pêk tînin êdî bûne sûcên şer ên li dijî gelên me yên Efrînê nexasim ên li dijî jinan. Dewleta Tirk rewşa mirovî ya Sûriyê ji aloziya Koronavîrusê bigire û heta bi Qanûna Qeyser derkeve, keysbaz dike û sûcên xwe zêdetir dike. Mînaka herî nêz jî 23`yê meha Hezîrana 2020`an li dijî çalakgerên Kurd ên ji Kobanê komkujî pêk anî, ev jî tê wateya dewleta Tirk li dijî jina Kurd a ku civak bi rê ve bir û li dijî DAIŞ`ê sekinî û li paytexta wan (Reqa) ew têk birin, sûcekekî din pêk tîne.

Ev sûc hemû pêk tê û civaka navdewletî bê deng e, ev bi erka wan a exlaqî û qanûnî re bi nakok e.

Em jî wek Rêveberiya Xweser a Herêma Efrînê bêdengiya civaka navdewletî û dewletan li hemberî sûcên dewelta Tirk ên li dijî jina Kurd nexasim bêdengiya Amerîka û Rûsyayê şermezar dikin û banga destwerdana lezgîn dikin ku sûcên dewleta Tirk ên li dijî Kurdan bisekinînin.

Her wiha bang li civaka sivîl a navneteweyî dikin ku piştgiriya gelê Kurd û doza wan a edlane bikin û sûcên şer ên ku dewleta Tirk li dijî xelkên me yên Efrînê û Kobanê pêk tîne, eşkere bike. Di dawiyê de em bang li gelên xwe dikin ku asta berxwedan û têkoşîna bilind bikin, heta ku xaka Sûriyê bi temamî ji artêşa Tirk rizgar bibe."

(eh)

ANHA