Li Girê Spî gel li dijî bikaranîna lîreyê Tirkiyê daket qadan 

Çavkaniyan ji hundirê bajarê Girê Spî yê dagirkirî diyar kir ku bi armanca şermezarkirina biryara dawîn a bikaranîna lîreya Tirkiyê û zêdebûna nirxê nan, şêniyên bajarê Girê Spî dikan girtin û li pêşiya "Meclisa Herêmê" protesto kirin.

Bi sedan şêniyên bajarê Girê Spî li pêşiya qaşo Meclisa Herêmê û Çerxerêya Şaredariyê kom bûn û sloganên şermezarkirina siyaseta birçîkirinê û kiryarên serokê "Meclisa Herêmê" Wail Ehmed şermezar kirin. Duh meclisê biryarnameyek ragihand û tê de îşaret bi kirîna nan bi lîreyê Tirkiyê kir.

Çavkaniyan parve kir ku nirxê kîsê nan ku 8 nan tê de hene, bi 200 lîreyên Sûriyê bû, lê dagirkeriya Tirk ev yek red kir û nirxê nan bi lîreyê Tirkiyê diyar kir anku niha her kîsek nan bi 400 lîreyên Sûriyê ye.

Dewleta Tirk li herêmên dagirkirî yên herêmên Bakur û Rojhilatê Sûriyê lîreyê Tirkiyê ferz kiriye û gelek pereyê kaxez û hesin daxist sûkê.

(eh)

ANHA

<iframe width="560" height="315" src="https://www.youtube.com/embed/qBXVNfQhwts" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>