Mîrî, bi derziya xwe kelepûra Suryanî diparêze

Navçeya Tirbespiyê ya girêdayî kantona Qamişlo ya Bakur û Rojhilatê Sûriyê bi mozayîka jiyana hevbeş a pêkhateyan, kêmnetewan û olanên tê naskirin. Gelên  Kurd, Ereb, Suryan, Ermen û Êzidî bihev re dijîn. Mînaka pirrengiya li Tirbespiyê piştî Şoreşa Rojava karî civakeke hevgirtî ava bike.

Pêkhateyên navçeyê parastina mîrateyên xwe yên şaristanî kirin û çanda xwe ji berê zêdetir parastin. Sala 2012`an Şoreşa 19’ê Tîrmehê dest pê kir û 21’ê Çileya 2014`an de li herêma Cizîrê Rêveberiya Xweser hate ragihandin. Li ser esasê sîstema Neteweya Demokratîk hemû pêkhate bi zimanê dayîka xwe fêr bûn, çand û foklora xwe parastin.

Mîrî Malikî (80) jineke Suryanî û ji gundê Mehrekan e. Mehrekan 5 km dikeve Bakurê Rojhilatê navçeya Tirbespiyê. Mîrî kar û xebata dirûnê û nexşandinê ji beriya 60 salî ve dike. Mîrî derbarê behreya xwe de wiha got: “Armanca min parastina nasnameya Suryaniyan e.”

Mala Mîrî ji malên li gundê Mehrekan û heta malên li nava navçeyê jî cudatir e. Ji ber bi dehan tabloyên bi nexşên destan daliqandîne û nîşana kelepura pêkhateya Suryaniyan didin.

Mîrî behreya nexşandinê ji dayîka xwe fêrbûye.Diya Mîrî kara bûkan çêdikir, xalîçe û rû ji maseyan re çêdikir.Mîrî tenê derziyê di karê xwe de bi kar tîne û dirêjbûna berhemên wê jî nezêdeyî 10 cm ye.

Mîrî derbarê westana karê xwe de wiha got: “Ji bo ez bi awayekî xweşik û nexşên cuda tabloya xwe çêbikim, ez bi baldarî nêz dibim. Lê tevî vê westanê jî karekî xweş e û her mirov tabloyekê bi dawî dike, mirov zêdetir teşwîq dibe.”

Li gelek nexşandinê Mîrî toran, lîfkikan û pêwîstiyên xwaringehan çêdike.

Mîrî Malkî got: “Hîn jî hin nexiş û tabloyên diya xwe diparêzim. Diya min ji beriya 40 salan mirîye, lê dîsa jî min hin nexşên diya xwe parastiye û bi karê xwe çanda Suryaniyan diparêzim.”

Mîrî Malkî di dawiya axaftina xwe hêviya misogeriya armamiya herêmê kir û got: “Ez hêvî dikim ku şêniyên herêmê yekîtiya xwe biparêzin.”

(eh)

ANHA

<iframe width="560" height="315" src="https://www.youtube.com/embed/7zT_Ip0rsXQ" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>