Şêniyên herêma Efrînê sersaxî ji malbatên şehîdên Berxwedana Serdemê re xwest

Bi sedan şêniyên kantonên Efrîn û Şehbayê berê xwe da konê sersaxiyê yê li qada parkê ya li navçeya Ehdas hatiye vegirtin da ku sersaxiyê bide malbatên her du şehîdan ên bi navên Dilşêr Efrîn ê şervanê HRE’yê û şervanê YPG’ê Selah Qasîm (Êrîş Efrîn).

Merasîmê sarsaxiyê bi deqeyeke rêzgirtinê dest pê kir û piştre Sîham Ebdo bi navê Meclisa Malbatên Şehîdan axivî.

Sîham Ebdo destpêkê sersaxî da malbatên her du şehîdan û wiha got: "Me li kantona Efrînê 58 rojan li ber xwe da, da ku xaka xwe ji dagirkeriyê biparêzin."

Bi navê Meclisa kantona Şehbayê, endamê meclisê Îsmaîl Mûsa wiha anî ziman: "Serê tevahî malbatên şehîdên azadî û rûmetê sax be, dîroka gelên hewl didin ji zilm û destpotiyê xwe rizgar bikin, tijî leheng û têkoşer in ku rola sereke di têkbirina teror, dagirkerî û parastina mafên xwe de lîstine."

Mûsa îşaret pê kir ku dewleta Tirk a dagirker û çeteyên wê hewl didin parçeyên zêde dagir bikin û şêniyên wê koçber bikin.

Piştî axaftinan, endama KPC-D’ê wesîqeyên her du şehîdan xwendin û radestî malbatên wan kirin. Merasîm bi dirûşmên silavkirina şehîdan bi dawî bû.

(fr)

ANHA

<iframe width="560" height="315" src="https://www.youtube.com/embed/AQv5z3FCOmo" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>