Mihrîcana Mîtan wê li Şehbayê lidar bikeve

Desteya Çand û Hunerê ya şaxê Efrîn bi hevkariya Tevgera Çand û Hunerê amadekariya Mihrîcana çaremîn a Mîtan dikin. Dê vê carê mîhrîcan li Şehbayê lidar bikeve.

ÇAND Û HUNER

22 ÇILE, 2020 07:19

ŞEHBA-FÎRAS ÎBRAHÎM

Tevî rewşa koçberiyê Desteya Çand û Hunerê şaxê herêma Efrînê amedekariyên rêxistinkirina Mîhrîcana Mîtan dikin. Li ser vî esasî dika navçeya Ehdas a kantona Şehbayê amade kirin.

Amadekariyên mîhrîca ku dê di 25’ê Çileyê de were lidarxistin, ji amadekariyên endaman û bi awayekî rojane pêk tê.

Peyas ji 10 deriyên şanoyan pêk tê, ew jî ev in; Taca Zêrîn, Tenê Henek bû, Olombiyed, Qêrîn, Bêkenûka Heydo, Odeya bê çûk, Tu bi xêr hatî Cuha, Nesrîn, Derwêşê Ebdî, Xetên Reş.

Pêşandan dê 12 rojan û bi beşdariya derdora 100 endamên ji kantona Efrînê yên ku bi darê zorê koçberbûne, endamên Tevgera Çand û Hunera bajarê Helebê û endamên Keva Zêrîn şaxê herêma Cizîrê bi vê biçe.

Komîteya amadekar a mîhrîcanê diyar kir ku di roja yekemîn a mihrîcanê bi beşdariya endamên tax û navçeyên kantona Şehbayê xwepêşandanek were lidarxistin û tê de amaje bi birêvebirina mîhrîcanê were kirin.

Mihrîcana Çaremîn a Mîtan ku li kantona Şehbayê bi rê ve diçe, ne wekî salên berê ye. Hem rewşa koçberiyê, hem binpêkirinên artêşa Tirk û çeteyên wê û hem jî dorpêçkirina Şehbayê bandorê li birêveçûyîna mihrîcanê dike.

MÎTAN, ISBATA BERXWEDANÊ YE

Di vê çarçoveyê de ajansa me hevdîtin bi hevseroka komîteya amadekar a Mîhrîcana Mîtan Rohat Beko re, çêkir. Rohat got: “Piştî 2 salan ji koçberiyê armanca Çaremîn Mihrîcana Mîtan ew e ku em ji dagirkeriyê Tirkiyê re isbata berxwedana 58 rojan a gelên Efrînê bikin. Li gel vê yekê tevî zor û zehmetiyan jî lê li kantona Şehbayê jî heman asta berxwedaniyê didin meşandin. Beriya artêşa Tirk êrişî herêmê bike, Mîhrîcana Mîtan a yekemîn, duyemîn û sêyemîn li kantona Efrînê bi vê ve çû, bi aramî derbasbû û gelek endam beşdar bûn.”

Rêveber û damezrînerekî Mîhrîcana Mîtan Mihyedîn Erselan wiha anî ziman: “Mîhrîcana Mîtan cara yekemîn 2014`an li Efrînê çêbû. Artêşa Tirk û hin hêzên dagirker ji beiya hezarên salan ve hewldana têkbirina vîna gelê Kurd û çewisandina çandê dikin. Armanca lidarxistina Çaremîn Mihrîcana Mîtan ew e ku berdêl çi dibe bila bibe, em ê li ber xwe bidin.”

Her wiha beşdareke şanoya lîrîk Emîna Silêman axivî û got: “Ev cara yekemîn ez beşdarî mîhrîcanê dibim. Em bi hemû îmkanên xwe dixebitin, her wiha ji dagirkeriyê re isbat dikin ku ev xaka me ye û xwediyê heqiyê ne.”

Endamê bi navê Henan Seydo ku bi rola Derwîş beşdarî piyes şanoya lîrîkê bûye wiha axivî: “Mîtan dîroka gelê Kurd e û îro xwe ji cîhanê re isbat dike ku gelên Efrînê di berxwedanê xwe de bi israr in. Em bi hêvîne ku ew ê pênçemîn Mihrîcana Mîtan li kantona Efrînê were lidarxistin.”

(eh)

ANHA