Şêniyên Helebê şehîd Mihemed Hisên oxir kir

Bi sedan şênî li pêş Nexweşxaneya Xalid Fecir a Şêxmeqsûda Xerbî kom bûn ku beşdarî merasîma oxirkirina cenazeyên endamê Hêzên Ewlekariya Hundirîn Mihemed Hisên bibin ê ku di 18’ê Çileyê de şehîd bûbû.

Karwan ji pêş Nexweşxaneya Xalid Fecir dest pê kir û li nava kolanên taxê tevî dirûşmên silavkirina şehîdan, geriya û ber bi Goristana Şehîdan a li gundê Pino kete rê.  Li goristanê endamên Hêzên Ewlekariya Hundirîn toraneke leşkerî li dar xist.

Piştre endama Meclisa Malbatên Şehîdan Ferîda Hisên axivî û sersaxiya malbata şehîd Mihemed Hisên kir.

Rêveberê Hêzên Ewlekariya Hundirîn Elî Abdullah soza şopandina rêça şehîdan, parastina tevahî pêkhate û dabînkirina ewlehî û aramiyê da.

Pismamê şehîd, Ehmed Suleyman jî li ser taybetmendiyên şehîd Mihemed Hisên têkoşîna wî ya pêkanîna destkeftiyên gel û berxwedana parastina taxên Şêxmeqsûd û Eşrefiyê axivî.

Piştî wê wesîqeya şehadetê hat xwendin û radestî malbatî şehîd hat kirin û di nava tilîlî û dirûşman de cenazeyê şehîd spartin axê.

(fr)

ANHA

<iframe width="560" height="315" src="https://www.youtube.com/embed/XRRBwo2irgg" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>