Hêzên Asayîşê nasnameya şehîdekî xwe ragihand

Navenda Ragihandinê ya Hêzên Asayîşa Rojava- Bakur û Rojhilatê Sûriyê ragihand ku endamê wan Mehmûd Hoşeng Mihemed li gundewarê Dêrazorê encama êrişa şaneyên veşartî yên DAIŞ‘ê li dijî dewriyeya wan de şehîd bû.

7 ÇILE, 2020 16:44

NAVENDA NÛÇEYAN

Buroya Ragihandinê ya Hêzên Ewlekariya Hundirîn (Hêzên Asayîşa Rojava- Bakur û Rojhilatê Sûriyê) li ser mijarê daxuyaniyek nivîskî weşand.

Daxuyanî wiha ye:

"Endamê Hêzên Asayîşa Ewlehî û Parastina Kerwanên Bazirganiyê heval Mehmûd Hoşeng sibeha roja Yekşemê 5‘ê Çileyê li gundê Ehmer ê girêdayî navçeya Bisêrayê di encama êrişeke terorîast a li djiî dewriyeya wan de şehîd bû.

Nasnameya şehîd wiha ye:

Nav: Mehmûd Mihemed

Navê dayikê: Leyla

Navê bavê: Hoşeng

Cih û dîroka jidayikbûnê: Til Bilbil 7-1-1997‘an

Dîroka tevlêbûnê: 10-1-2018

Cih û dîrokê şehadetê: Gundewarê Dêrazorê 5-1-2020

Em Hêzên Ewlekariya Hundirîn (Hêzên Asayîşa Rojava- Bakur û Rojhilatê Sûriyê) sersaxî ji xwe û malbata şehîd re dixwazin, bejna xwe li hember lehengiya wan ditewînin. Em soza xwe ya gelê xwe re dûbar dikin ku em li ser soza xwe ya parastina saxlemiya xak û gelê xwe ne."

ANHA