Şehîdê Berxwedana Serdemê Rustem Cûdî li Şehbayê hate veşartin

Bi sedan şêniyên herêma Efrînê bi merasîmekê cenazeyê şervanê YPG`ê Ceger Şêxo( Rustem Cûdî) ê ku di qonaxa duyamîn a Berxwedana Serdemê de şehîd bûye, li Goristana Şehîdên Serdemê li navçeya Ehrezê veşartin.

Ji aliyekî din ve Meclisa Malbatên Şehîdan di merasîmê de nasnameya du şehîdan Zuhêr Îbo (Bahoz Efrîn) û Mihemed Hemo (Sîpan Efrîn) ên ku di Berxwedana Rûmetê de şehîd bûne eşkere kir.

Merasîm bi deqeyek rêzgirtin destpê kir. Piştre bi navên Meclisa Malbatên Şehîdan Xelîl Îso û Rêveberiya Xweser a herêma Efrînê hevserokê Meclisa Qanûnsaz Silêman Cafer axaftin hatin.

Kesên axivîn sersaxî ji malbatên şehîdan re xwestin û gotin  gelên Bakur û Rojhilatê Sûriyê bi yekitî û israra xwe siyastên dagirketiyê têk dibin. Her wiha destnîşan kirin ku bi saya fedekariyên şehîdan wê Efrîn rizgar bibe.

Endama Meclisa Malbatên Şehîdan Ronahî Oso wesîqeyên şehadeta şehîdan xwendin û radestî malbatên wan kirin.

Piştre girseya gel cenazeyê şehîd Rustem Cûdî di nav berzkirina dirûşmeyên dilsoziya bi şehîdan re veşartin.

(şx)

ANHA

<iframe width="560" height="315" src="https://www.youtube.com/embed/xVgRxSYtHvA" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>