Şêniyên Şêxmeqsûdê sersaxî da malbata şehîd Welîd

Bi dehan şêniyên taxa Şêxmeqsûd û Eşrefiyê yên bajarê Helebê berê xwe da konê sersaxiya malbata şehîd Welîd Zeyneb ku Meclîsa Malbatên Şehîdan li aliyê rojava yê taxa Şêxmeqsûd vegirtibû.

Şervanê Yekîneyên Parastina Gel (YPG) Welîd Zeyneb (Welîd Menan Temir) di dema pêkanîna erkeke leşkerî de şehîd bûbû.

Konê sersaxiyê bi wêneyên şehîd Welîd û yên şehîdên berxwedan Şêxmeqsûdê hate xemilandin. Merasîmê bi rêzgirtinê dest pê kir. Piştre bi navê Partiya Yekitiya Demokratîk Ednan Cefer, bi navê Buroya Têkiliyan a Meclîsa Sûriya Demokratîk (MSD) Rewşen Mihemed, endamê Kombûna Oldaran Omer El-Şamî, berpirsa rêxistina jinên Partiya Pêşerojê ya Sûriye Xalîde Ebdo û endama Kongreya Star Fehîme Silêman axivîn.

Axaftvanan sersaxî ji malbata şehîd re xwest. Her wiha îşaret bi fedekariyên şehîdan ên di oxira gel û welatê xwe de kirin.

Axaftvanan her wiha tekezî bi yekitiya hemû pêkhateyên gelê Sûriyê û parastina destkeftiyên bi saya şehîdan pêk hatine, kir.

Di dawiya merasîmê de sloganên dilsoziya bi şehîdan re hatin berzkirin.

Herikîna şêniyan ber bi konê sersaxiyê ve hîna dewam dike.

(cx)

ANHA