Radio RFI ya fransî: 4 balafirên tijî çeteyên sûrî daketin balafirgeha Maaîtîqa ya lîbî

Radyoya fransî RFI got: "Agahiyên girêdayî gihaştina çeteyên sûrî yên ku Tirkiyê şande Lîbyayê li dû hev tên." Piştî ku hebûna wan li paytexta Trablusê bi vîdyoyekê hate belgekirin û hate belavkirin.

RFI ev tişt jî ragihandin: "Şirketa balafiran a lîbî Afriqiyah Airlines û şirketa Ajniha ya xwe xwediyê wê Ebdulhekîm Blihac li Tirkiyê dimîne, wan çeteyan ji Tirkiyê anîne Trablusê. Bi armanca ku alîkariya komên çekdar ên hikumeta Wîfaq bikin. "

Radyoyê destnîşan kir ku di rojên di navbera În û Yekşemê de 4 balafirên ku çeteyên sûrî ji Tirkiyê anîne daketin balafirgeha Maaîtîqa.

Hikumeta El-Serac hebûna çeteyên sûrî li ser axa Lîbyayê derewand. Her wiha teqez kirk u dîmenên têne belavkirin li bajarê Reqayê hatine kişand. Lê çalakvanan ji Lîbyayê ev îdia red kirin û wêneyên ku cihê hebûna çeteyên sûrî kişandine, belav kirin. Çalakvanan gotin herêm nêzî El-Tikbalî li herêma Selahdîn e. Bi 10 km ji navena paytextê Trablusê dûr e.

Ji aliyê xwe ve mudirê Navenda Çavdêriya Mafên Mirovan a Sûriyê di daxuyaniyek de ji RFI`yê re teqez kir ku 500 çeteyên sûrî bi rêya balafiran gihaştina Lîbyayê û hinek din jî li Tirkiyê ne li bendê ne ku Tirkiyê wan bişîne Terablusê.

(şx)