Li Reqayê yekemîn dibistana fêrkirina ajotina erebeya hat vekirin

Komîteya Hundirîn a girêdayî Meclisa Reqayê yekemîn dibistana fêrkirina ajotina erebeyên taybet, giştî, kar û çandiniyê li bajarê Reqayê piştî zêdetirjî 9 saln ji tunebûna rêxistina wê di vî warî de, vekir.

CIVAK Û JIYAN

21 kanûn, 2019 13:55

REQA

Ev pêngav bi hedefa geşkirina zanebûnê li gel ajokaran, çawaniya pêkanîna hîmên trafîkê, xwendina îşaretên trafîkê, naskirina parçeyên jenatora erebeyê, çawaniya dan û standina bi rewşên awerte re û ji wê zêdetir jî da ku bawernameyên ajotina erebeyan bi beşên wê yên taybet û giştî pêşkêş bikin, pêk hat.

Dê dibistan dewreya perwerdê her mehekê li dar bixe û pêşwaziya 150 perwerdekaran bike ku tê de tevahî hîmên navborî binasin û fêr bibin. Dê dewre waneyên taybet ji kesên astengdar re jî pêk bê.

Îro dibistan hat vekirin. Her wiha bi dehan ji şêniyên bajarê Reqayê, hejmarek ji şêx û rûspiyên eşîran û hejmarek ji endamên saziyên sivîl û leşkerî amade bûn. Her wiha jî hevseroê Komîteya Hundirîn a Reqayê Hesen Mistefa axivî û got, ev pêngav dê aştiya trafîk, rêxistina erebe û ajokaran, geş bike.

Li aliyekî din jî perwerdevanên dibistanê hin waneyên pewerdê ku dê di dibistanê de pêk bên, pêşkêş kirin.

(fr)

ANHA