Sersaxî ji malbata şehîd Elî Mihemed re hate xwestin

Şêniyên naveyên Hol û Til Hemîsê sersaxî ji malbata endama Hêzên Ewlekariya Hundirîn şehîd Elî Neso Mihemed re xwestin.

NÛÇE

18 kanûn, 2019 17:53

HESEKÊ

Bi sedan xelkê navçeyên Til Hemîs û Holê ji malbata endama Hêzên Ewlekariya Hundirîn şehîd Elî Neso Mihemed re xwestin, ê dema erka xwe bi cih dianî ji aliyê çeteyekê ve hate şehîdxistin.

Konê sersaxiyê li bajarokê Um Hicêra yê navçeya Holê hatibû vedan û bi wêneyên şehîd hatibû xemilandin.

Di bin konê de deqeyek rêz hate girtin û axaftin ji aliyê Hevserokê Meclisa Navçeya Holê Emar El-Hisên, Hevserokê Navçeya Til Hemîsê Salih El-Xelef û hevseroka Meclisa Kantona Qamişlo Perwîn Yûsif ve hatin kirin.

Kesên axivîn sersaxî ji malbat û hevalên şehîd re xwestin û soz dan ku ew ê bi QSD‘ê re bisekinin heta armancên şehîdan pêk bînin.

Di axaftinan de êrişên artêşa Tirk a dagirker û çeteyên wê hatin şermezarkirin, hate gotin ku armanca dagirkeriyê tinekirina projeya netewa demokratîk e.

Piştî axaftinan nasnameya şehîd hate xwendin û radestî malbatî hate kirin.

Merasîm bi dirûşmeyên "Şehîd Namirin" bi dawî bû.

ANHA