Bi boneya Roja Zarokan li Hesekê şahiyek hate lidarxistin

Buroya Kar û Barên Rêxistinên Mirovî ya Bakur û Rojhilatê Sûriyê bi boneya Roja Zarokana Cîhanê, îro li bajarê bajarê Hesekê ji bo zarokên Serêkaniyê yên bi darê zorê hatine koçberkirin û li bajarê Hesekê bi cih bûne, şahiyek li dar xist.

NÛÇE

20 mijdar, 2019 12:46

HESEKÊ

Di encama êrişên artêşa Tirk a dagirker ên li ser Bakur û Rojhilatê Sûriyê de, bi hezaran şêniyên herêmên li ser sînor bi darê zorê ji malên xwe hatin koçberkirin. Bi boneya Roja Zarokan a Cîhanê, Buroya Kar û Barên Rêxistinên Mirovî li Bakur û Rojhilatê Sûriyê bi armanca şadkirina zarokên koçber û wan dûrî rewşa şer bixin, şahiyek li navendên mayîna koçberan li dar xist.

Di şahiyê de bi dehan zarokên koçber tevî hin rêveberên rêxistinên herêmî amade bûn û diyarî û xwarin li ser zarokan hatin belav kirin.

Rêveberê yek ji dibistanên taxa Neşwê Ebd El-Latîf Hisên, axivî û wiha got: "Ji bo ku em kenê li ser rûyê zarokan careke din vegerînin, me şahî di roja zarokan a cîhanî de lidar xisit. Ji ber ku di êrişên dewleta Tirk a dagirker de bi hezaran zarok dûrî mal û dibistanên xwe ketin. Ji ber şer pîskolojiya zarokan pir xirab e."

Hisên wiha berdewam kir: "Em hewl didin moralê zarokan bilind bikin û wan dûrî rewşa şer bixin."

ANHA