Qîrkirina rêyên bajarê Reqayê bidawî bû

Li bajarê Reqa û gundewarên wê xebatên qîrkirin û sererastkirina rêyan didome. Meclisa Sivîl a Reqayê ragihand ku qîrkirina rêya kornîş a bakurê bajêr bidawî kir. Dirêjahiya wê rêyê 4 km ji çerxerêya depoyên genim a aliyê rojhilat heta çerxerêya El-Firûsiye ya aliyê rojava

Di civîna ku projeyên qîrkirina rêyên bajarê Reqayê werin diyarkirin hat gotin dest bi qîrkirina rêya kornîş a başûrê bajarê Reqayê hate kirin. Hevserokê Rêveberiya Herêmî û Şaredariyan a Meclisa Sivîl a Reqayê Ehmed Xelîl, Hevserokê Meclisa Sivîl a Reqayê Mişlib El-Derwîş û berpirsê xebatên sererastkirina rêyan Îsa El-Esaf beşdarî civînê bûn.

Di civînê de komîteya Rêveberiya Herêmî û Şaredariyan ragihand ku wan dest bi qîrkirina rê ji bajarokê Hezîma yê bejahiya bakurê bajêr ber bi gundê El-Hikûmiye, kirin. Dirêjahiyê rê 17 km her wiha qalindbûna wê jî ne kêmî 10 cm ye.

Di civînê de Hevserokê Meclisa Sivîl a Reqayê Mişlib El-Derwîş got xebatên jinûve avakirina Reqayê didomin û dê bi saya keda şêniyên bajêr vegere mîna berê.

Tê zanîn ku xebatên qîrkirina rêyên sereke û şaxî li bajarê Reqayê bi temamî bidawî bûne niha jî rêyên gundewarên tê têne qîrkirin.

(bx)

ANHA