Li Hesekê çalakiya Meclisa Jina Sûriyê

Meclisa Jina Sûriyê çalakiyên xwe yên cihereng ên ku bi boneya Roja Aştiyê ya cîhanî li Bakur û Rojhilatê Sûriyê daye destpêkirin didomîne. meclisê îro çalakiya pêşendana cilên gelêrî yên tevahiya pêkhateyên kantona Hesekê li dar xist.

ÇAND Û HUNER

25 îlon, 2019 18:25

HESEKÊ

Bi boneya Roja Aştiyê ya cîhanî Meclisa Jina Sûriyê bi hevkariya Desteya Çand û Perwerdeyê û Yekîtiya Rewşenbîran a herêma Cizîrê çalakiyên cihereng bi dirûşmeya `Di baweriya bi rola jinê de di avakirina aştiya demdirêj de` li dar dixe.

Di nav wan çalakiyan de meclisê îro çalakiya pêşendana cilên gelêrî li Navenda Xabûr a Çand û Hunerê ya bajarê Hesekê li dar xist. Di çalakiyê de cilên gelêrî yên tevahiya pêkhateyên herêmê hate pêşendan.

Hevseroka Meclisa Giştî ya Bakur û Rojhilatê Sûriyê ya Rêveberiya Xweser Sîham Qeyro, serokê Komeleya Suryanî ya Çandî li Sûriyê Ibrahîm Qis Ibrahîm û hevseroka Komîteya Çand û Hunerê ya kantona Hesekê Efaf Hesekî tevî bi dehan ji şêniyên bajarê Hesekê tev li çalakiyê bûn.

Çalakî bi pêşendana cilên gelêrî yên kultura suryanî, erebî û kurdî destpê kir. piştre koma Tolhildan a girêdayç Navenda Xabûr a Çand û Hunerê ya bajarê Hesekê berhemên xwe yên hunerî pêşkêş kirin.

(şx)

ANHA