‘Em ji bo parastina welat ji her tiştî re amadene‘

Bi dehan şêniyên navçeya Tirbespiyê ya kantona Qamişlo, beşdarî merasîma xiyabî ya şervanê QSD`ê Yasir El-Hisawî bûn. Merasîma xiyabî li Goristana Şehîd Dilşêr a li gundê Digurkê yê navçeya Tirbespiyê hat lidarxistin. Şervanê QSD`ê Yasir El-Hisawî di pêngava rizgarkirina bajarê Reqayê de şehîd bûbû.

Merasîm bi rêzgirtin destpê kir, her wiha şervanên YPG`ê toreneke leşkerî lidar xistin.

Paşê ji fermandarên YPG`ê Farûq El-Hebîb axivî û got: “Zarokên herêmê dagirkerî red kirin û di oxira wê de bi hezaran şervanan canê xwe feda kirin. Her wiha got ewê ji bo rizgarkirina welatê xwe gelek tiştan feda bikin.”

Ji rêveberên Meclisa Malbatên Şehîdan a navçeya Tirbespiyê Abdullhelîm Hesen axivî û anî ziman:"Em deyndarê şehîdên xwe ne. Em soz didin ku em ê heta dawiyê şopdarên rêya wan bin. Her kesê bi xaka welatê xwe ve girêdayî ye, cihê rêzdariyê ye." Hesen di axaftina xwe de bang li hemû penaberên li dervî Bakur û Rojhilatê Sûriyê kir ku li welatê xwe vegerin.

Birayê şehîd Qusey Hisawî axivî û tekez kir ku ew ji bo parastina welatê xwe ji her tiştî re amedene.

Paşê bawernameya şehadetê hat xwendin û radestî malbata şehîd hat kirin.

Merasim bi dirûşmeyên ‘Şehîd Namirin’ bi dawî bû.

(bx)

ANHA