Piştî salan beşek ji koçberên li kampa Holê vegeriyan warên xwe

Rêveberiya Xweseriya Demokratîk di 3`yê Gulana 2019’an de li navçeya Eyn Îsa ya herêma Firatê komxebata eşîrên Sûriyê li dar xist, tê de zêdetirî 5 hezar şêx û nûnerên eşîrên Bakur û Rojhilatê Sûriyê beşdar bûn.

Ji bo pêkanîna biryarên komxebatê, di 23`yê Gulanê de şandeyek ji Rêveberiya Xweser a Bakur û Rojhilatê Sûriyê serdana kampa Holê kir, di şandeyê de hevserokê Meclisa Rêveber a Rêveberiya Xweser Ebdilhamid El-Mihbaş û Bêrîvan Xalid, cîgirên wan Elîzabêt Gewriyê, Emîne Osê û berpirsê kampên Bakur û Rojhilatê Sûriyê Şêxmûs Ehmed cih girt.

Di serdanê de hevseroka Meclisa Rêveber a Rêveberiya Xweser a Bakur û Rojhilatê Sûriyê Bêrîvan Xalid got kesên ku dê vegerin, zarok û jinên ji herêmên Bakur û Rojhilatê Sûriyê ne ku ji ber rewşên ku herêmên wan ji şer û dagirkirina DAIŞ`ê ji herêmên wan re koçber bûbûn.

Li kampa Holê 31 hezar û 436 koçberên ji Sûriyê, di nav de malbatên çeteyên DAIŞ`ê, li ser 9 hezar û 220 malbatan hatine belavkirin.

Ji bo şopandin û çavdêriya vegera koçberan li warên wan, şandeyek ji Rêveberiya Xweser a Bakur û Rojhilatê Sûriyê di nav de hevserokên Desteya Kar û Barên Civakî ya Bakur û Rojhilatê Sûriyê Bêrîvan Hesen û Farûq El-Meşî, seroka Desteya Jinan a Bakur û Rojhilatê Sûriyê Cîhan Xidro û cîgira wê Rûken Mele Ibrahîm, seroka Desteya Jinan a Herêma Cizîrê Rûken Ehmed û berpirsa Buroya Kampên Bakur û Rojhilatê Sûriyê Şêxmûs Ehmed gihaştin kampê.

Di merasîma radestkirina koçberan ji şandeya Rêveberiya Xweser a Bakur û Rojhilatê Sûriyê re, hevserokên Desteya Kar û Barên Şehîdan a Herêma Cizîrê Welîde Botî û Hisên El-Elî, hevserokên Buroya Kar û Barên Koçberan a Kantona Hesekê Gulistan Oso, Necat Salih,  hevseroka kampên kantona Hesekê Macîde Emîn, hevserokên kampa Holê Hemrîn Hesen, şêwirmenda kampên herêma Cizîrê Rojhat Elî û Ebdilezîz Yûnis endamê Buroya Têkiliyên QSD`ê ya Reqa û Tebqayê amade bûn.

Li gorî lîsteyên ku êlên eşîran pêşkêşî Komîteya Têkiliyan a Tebqa û Reqayê kir, ji 26`ê Gulanê deriyê tomarkirinê li 3 nuqteyan li kampê hate destpêkirin, di koma yekemîn de 800 kesan anku 217 malbatan navên xwe tomar kirin.

Piştî ku êl û nûnerên eşîran kefaleta van zarok û jinan rakir, ji ber ku di xwezaya civaka eşîran de qebûl nakin ku jin di kampan de bin, îro bi otobusan berê xwe da Reqa û Tebqayê.

Rêveberiya kampê 10 otobus ji bo koçberan bibin warê wan û 8 otobus ji bo veguhestina pêdiviyên wan diyar kirin.

Di radestkirin û bi rêya daxuyaniyê de ku ji aliyê Şêxmûs Ehmed ve hate xwendin ku şandeya Rêveberiya Xweseriya Demokratîk a Bakur û Rojhilatê Sûriyê teqez kir ku wan 800 kes yanî 217 malbat ku hemû jin û zarokên sivîl in, radest kirin.

Şandeyê da zanîn ku ew hevdîtinên xwe yên bi nûner û êlên eşîran re li dar dixin da ku kefaletan pêşkêş bikin û hemû şêniyên Bakur û Rojhilatê Sûriyê ji kampan derxin.

(jo)

ANHA