Şervanê QSD’ê Mehmûd Şiniyor hat oxirkirin

Bi dehan şêniyên navçeya Tirbespiyê û Girkê Legê cenazeyê şervanê QSD`ê Mehmûd Şiniyor (Azad Herma) li Goristana Şehîd Dilşêr a li gundê Dugur oxir kirin.

NÛÇE

23 adar, 2019 16:25

QAMIŞLO

Bi dehan şêniyên navçeya Tirbespiyê û Girkê Legê yên kantona Qamişloyê li ber Meclisa Malbatên Şehîdan a Tirbespiyê kom bûn û ber bi Goristana Şehîd Dilşêr ve ya li gundê Dugurê yê girêdayî navçeya Tirbespiyê ketin rê. Mehmûd Şiniyor ê şervanê QSD’ê di Şerê Tinekirina Terorê de şehîd bibû.

Li goristanê merasîm bi deqeyek rêzgirtinê destpêkir. Heman demê de. Heman demê de torenek leşkerî ji aliyê şervanên YPG û YPJ`ê ve hat lidarxisin. Paşê bi navê Meclisa Malbatên Şehîdan a navçeya Girkê Legê, endamê meclisê Hewas El-miflêh û yek ji fermandarên QSD`ê Şêx Qamişlo axivîn.

Di axaftinan de sersaxî ji malbata şehîd re hate xwestin û pêwîstiya berdewamkirina têkoşînê heya pêkanîna xewnên şehîdan hate tekezkirin.

Şêx Qamişlo tekez kir ku bi saya fedakariyên şehîdan teror têk çû.

Paşê bewernameya şahadetê hat xwendin û radestî malbata wî hate kirin.

Dê sibe merasîma sersaxiyê li gundê Herma yê girêdayî navçeya Girkê Legê li dar bikeve.

(şx)

ANHA