‘Konferans di dîroka jinên Tebqayê de dê qonaxeke girîng be’

RÛBA EL-ELÎ / TEBQA

Duh Konferasa Yekemîn a Rêveberiya Jinan a Tebqayê hate lidarxistin û jin ji hemû bajar û herêmên Bakur û Rojhilatê Sûriyê beşdarî konferansê bûn.

Têkildarî mijarê ajansa me ANHA`yê hevdîtin li gel hejmarek jinên ku beşdarî konferansê bûne, çêkirin û lidarxistina konferansê li hemû jinan pîroz kir, her wiha hêvî kirin ku konferans di dîroka jinên Tebqayê de bibe qonaxeke guherandinê.

Berpirsa Rêveberiya Jinan a li Tebqayê Nesra Abaka destnîşan kir ku konferasê gelek mijarên girîng gotobêj kirin û gelek biryarên girîng dan ku bi rêya wan re dê rewşa jinên li Tebqayê baştir bibe.

Endama Desteya Rêveber a Meclisa Jinên Sûriyê Cîhan Mihemed tekez kir ku jinên Bakur û Rojhilatê Sûriyê bi hemû pêkhateyên xwe gavan ber bi azadiya xwe ve û bi taybet di vê demê de ku têkçûna çeteyan nêz bûye, diavêjin û wiha axaftina xwe dewam kir: “Bi saya şervanên ku efsaneyên qehremanî li hemû bajar û herêmên Bakur û Rojhilatê Sûriyê xêz kirine, jinan rûmeta xwe ya ku çeteyan ji destê wan derxistibû, vegerand."

Der barê nirxandina lidarxistina konferasê de Cîhan wiha rave kir: "Bi rastî jî lidarxistina konferasê gaveke dîrokî ye, ji ber ku jinên li Tebqayê êşa kiryarên çeteyan dikişand û niha bi vîna xwe tevd igerin."

Endama Komîteya Jinan a li bajarê Minbicê Zehîda Ishaq anî ziman ku jinên Bakur û Rojhilatê Sûriyê, bi saya ked û berdêlên jinan  gihîştin vê astê.

Her wiha endama Rêveberiya Jinan a Reqayê Xewla El-Îsa destnîşan kir ku wan wek jinên Reqa û Tebqayê çend salan, êş û zehmetî ji ber kiryarên çeteyan dikişandin.  Xewla di berdewama axaftina xwe de bang li jinên ku xwe ji bo xebata Rêveberiya Jinan a Tebqayê hilbijartine kir ku li gorî berpirsyariyê tev bigerin, jinan bi rêxistin bikin û pirsgirêkên wan çareser bikin.

(ekîb)

ANHA