Yekemîn Akademiya Şaredariyan li Reqayê hate vekirin

REQA

Bi dirûşmeya `Ji me hemûyan tê xwestin ku em welatên xwe ava bikin`, îro Rêveberiya Şaredariyan a girêdayî Meclisa Sivîl a Reqayê akademiyek li ser asta Reqa, Tebqa û Dêrazorê bi navê "Akademiya Şaredariyên Reqayê" li bajarê Reqayê vekir. Akademî bi armanca pêşxistina asta xebatkarên şaredariyê hate vekirin.

Endamên Komîteya Şaredariyan û Rêveberiyên herêmî ya Bakur û Rojhilatê Sûriyê, hevserokê Meclisa Sivîl a Reqayê Mişleb El-Derwîş, endamên meclisên herêmî yên Reqa û gundewarê wê û nûnerên şaredariyan a Tebqa û Dêrazorê di merasîmê vekirina akademiyê amade bûn.

Merasîm bi deqeyek rêzgirtin destpê kir. Piştre axaftin ji aliyê hevseroka Komîteya Rêveberên Herêmî û Şaredariyan a Bakur û Rojhilatê Sûriyê Mediya Bozan, hevserokê Meclisa Sivîl a Reqayê Mişleb El-Derwîş û hevserokê Şaredariya Gel a Reqa Senaa El-Şelebî vehatin kirin.

Di axaftinan de vekirina akademiyê hate pîrozkirin û hate destnîşankirin ku vekirina mîna van akademiyan ji bo zêdekirina tecrubeyên karkerên şaredariyan û amadekirina kadroyên fenî pêwîte.

Di nav axaftinan de hate destnîşankirin ku bi saya keda ciwanan bajarê Reqayê gavên mezin avêtin, rêveberî, meclisên siyasî, sivîl û leşkerî hatin avakirin, akademiyên fikrî, siyasî  yên ku rolek stratejîk di perwerdekirina civakê de dilîzin hatin vekirin.

Akademî ji aliyê endamên Saziya Malbatên Şehîdan û hevserokê Meclisa Sivîl a Reqayê Mişleb El-Derwîş hate vekirin.

Di dawiya merasîma vekirinê de koma çand û hunerê ya Reqayê stranên gelêrî vegotin.

Tê payîn ku dê sibe dewreya perwerdeyê bi tevlîbûna 25 xebatkarên şaredariyên REqa, Dêrazor û Tebqayê destpê bike.

(şx)

ANHA