Kolanên Tebqayê bi bedewiya 8’ê Adarê tên xemilandin

TEBQA

Çalakî bi beşdarbûna rêveber û endamên saziyên jinan ên Tebqayê, endamên Yekîtiya Jinên Ciwan ên Tebqa, bi dehan jinên bajar û gundewaran pêk hat.

Parkartên ku jinan daliqandin nameyên cuda cuda di nava xwe de dihewandin. Pankartên ‘8`ê Adarê ya îsal berdewamiya berxwedana jinên Efrînê ye, Jina birêxistinkirî bedewiya jiyanê ye’, her wiha ji berxwedana Leyla Qasim biger heta Leyla Xalid û heta berxwedana Leyla Guven hatibû nivîsîn. Di pankartan de hatibû diyarkirin ku ji Roza, Klara û Zenûbiya heta Leyla Guven berxwedan berdewam e.

Heman demê de wêneyên şervana YPJ’ê Avesta Xabûr ku xemil û rewş daye van hevokan hatin darvekirin.

Tê payîn ku dê zêdetirî 30 pankertî li gelek dever û kolanên bajêr ên wek Sûka navendî, kolana sereke, taxa duyem, taxa sêyem, çerxerêya El-Alem, dagerandina aliyê bakur ê bajêr, çerxerêya El-Şiheda, çerxerêya Meyselûn, çerxerêya El-Firqan, taxa El-Iskenderiyê û kolana Fayiz Mensûr"  werin daliqandin.

Dê pankart li bajarokên El-Cirniyê û El-Mensûra yên ku li bejahiya bajêr werin daliqandin.

Pêngava ku bi şîara ‘Bi berxwedana jinan wê jiyanê geş bike û çeteyan tine bike’ hatiye destpêkirin wê bi semîner û panelên giringiya Roja Jinan a Cîhanê bidome.

ANHA