Şêniyên Hesekê şehîdên Şerê Tunekirina Terorê oxir kirin

HESEKÊ

Bi dehan şêniyên bajarê Hesekê cenazeyên şervanên QSD`ê Yûsif Kurdî (Hogir Rojava), Rênas Elî (Rênas Hesekê) û Lûayî Kirêş ku di Şerê Tunekirina Terorê de şehîd bûne, li Goristana Şehîd Dijwar a li gundê Dawidiyê yê bajarê Hesekê oxir kirin.

Şêniyan cenazeyên her sê şehîdan ji Meclisa Malbatên Şehîdan a bajarê Hesekê wergirtin û bi karwanekî erebeyan ber bi goristanê ve ketin rê. Li goristanê merasîmê bi rêzgirtinê dest pê kir, her wiha şervanên YPJ/YPG`ê toraneke leşkerî li dar xist.

Paşê endamê Meclisa Malbatên Şehîdan Bedrî Hewale axivî û soza şopandina rêya şehîdan da û got şehîdan ji bo rizgarkirina gelê herêmê ji zilm û zora terorîstan canê xwe feda kir.

Ji fermandarên QSD`ê Serhildan Rojava hemû şehîdên azadiyê yên Bakurê Sûriyê bi bîr anîn û got şehîd nûnertiya rast a biratiyê dikin.

Paşê wesîqetên şehadetê ji aliyê yek ji rêveberên Meclisa Malbatên Şehîdan Rojda Ehmed ve hatin xwendin û radestî malbatên wan hatin kirin. Di dawiyê de cenazeyên her sê şehîdan di nava dirûşme û tilîliyan de hatin oxirkirin.

(bx)

ANHA