Yekemîn komxebata danûstandinê li Helebê dest pê kir

HELEB

Komxebat li eywana Efrîn a taxa Şêxmeqsûd tê lidarxistin. Di komxebatê de, wê rewşa siyasî ya dawî li ser asta Sûriyê, dagirkeriya Tirk û binpêkirinên wê li Bakurê Sûriyê, sînevîzyonek der barê bûyerên di aloziya Sûriyê de rû dane û rola jinan di şoreşê werin nîqaşkirin.

Aliyên ku beşdarî komxebatê bûne ev in: Şêx û rûspiyên êlên Beno Şeban, El-Begara, Benî Zêd, Xeface, Benawî, Cêsat, qebîleya El-Teyî, Partiya Rêveberiya Gel, Partiya Pêşerojê ya Sûriyê, Hevbendiya Niştîmanî ya Demokratîk a Sûriyê, Partiya Sûriyê ya Neteweyî, Partiya Yekitiya Demokratîk a Kurdî (Yekitî), Partiya Yekitiya Demokratîk, Partiya Sûriyê ya Neteweyî Civakî, nûnerên ji TEV-DEM’ê, Meclisa Jinên Sûriyê, saziyên sivîl, kesayetên ji olên cûda (êzidî, xiristiyan, misilman), Tîma Sûriyê ya Aştiyê, Kongreya Star, kesayetên rewşenbîr wekî bijîşk, wêjevan û mamoste.

Komxebatê bi axaftina endama MSD`ê Fatime El-Hisnîo dest pê kir. Fatime bixêrhatina beşdaran kir. Paşê nameya Hevserokatiya MSD’ê ji aliyê endama MSD`ê ya Helebê Rewşen Mihemed ve hate xwendin. Di nameyê de, komxebat hate pîrozkirin û hate gotin ku ew herêma ewle ya di bin rêveberiya Tirkiyê de qebûl nakin û herêmeke bi vî rengî tê wateya dagirkirina Bakur û Rojhilatê Sûriyê.

Piştre hevseroka MSD`yê yê buroya Heleb ê Mîrî El-Şiblî mijara yekemîn a komxebatê vekir û wiha got: "Şerê ku li Sûriyê de hatiye, hêzên modernîteya kapîtalîzmê armanc dike ku alozî kûrtir bike û piştgiriyê dide hêzên tarî li Sûriyê. Ji ber Sûriyê mûzayika  gelan e û bi dirêjahiya dîrokê bû cihê hevgirtina civakî, her wiha bû çavkaniya şaristaniyan û wê bi neteweya demokratîk civakeke polîtîk, exlaqî, demokratîk û ekolojîk were avakirin.”

El-Şiblî wiha pê de çû: “Di demekê de ku li Sûriyê hêzên navneteweyî û herêmî hewl didin tiştên ew dixwazin li gorî projeyên xwe ferz bikin, ne li gorî daxwazin gelan, Komxebata Danûstandinê ji aliyê Meclisa Sûriyê Demokratîk-Buroya Helebê ve tê organîzekirin. Ew aliyên derve li şûna gelan şekl û sîstema jiyanê û rêveberiyê datîne û sîstemên heyî li gorî berjwendiyên xwe yên siyasî û aborî dûrî rêgezên exlaq, dixebitin. Lîstikvanên sereke yên di aloziya Sûriyê de, hewl didin tecrûbeya demokratîk a civakî li Sûriyê û Rojhilata Navîn ku  bi rêya piradîgemeya çareseriya demokratîk ku MSD`ê pêşengiya wê dike û ji gelan re bûye cihê hêviyê ber bi pêşerojê ve, têk bibin.”

El-Şibilî da zanîn ku tecrubeya rêveberiyên xweser ku di aloziyê de hatin afirandin, yekemîn tecrube bû, ji ber tecrubeyeke rizgarkirinê bû û ewlehî, îstiqrar, xwendin û jiyana hevbeş li Bakur û Rojhilatê Sûriyê pêk anî û xeta sêyemîn hilbijart.

El-Şibilî di dawiya axaftina xwe de got bi avakirina MSD û Rêveberiya Xweser a Bakur û Rojhilatê Sûriyê armanc jê ew e ku aloziya Sûriyê were çareserkirin û îsbat kirin ku çareserî wê li ser erda Sûriyê pêk were.

Komxbeta bi nîqaşa li ser xala yekemîn didome.

(kc)

ANHA