Şehîdên "Şerê Tinekirina Terorê" li Şedadê hatin veşartin

HESEKÊ

Bi sedan welatiyên navçeya Şedadê cenazeyê şervanên QSD‘ê Yasir El-Hemûd (Aras Hesekê), Basim Ehmed (Hogir),  Ziyab El-Selama (Basim El-Dêrî), Ebd El-Hemadî (Hisên El-Dêrî), Elî El-Elawî (Elî Şedadê) û Îsam El-Selama (Mihemed Şedadê) ji navenda Meclisa Malbatên Şehîdan a bajarê Hesekê wergirtin û bi kerwanekî wesayîtan ber bi Goristana Şehîdan a navçeya Şedadê ve ketin rê.

Li goristanê ji bo bîranîna şehîdan deqeyeke rêz hate girtin û ji aliyê şervanên Hêzên Erka Xweparastinê ve merasîmeke leşkerî pêk hat. Piştre jî ji fermanarên YPG‘ê Demhat Hesekê sersaxî ji malbatên şehîdan re xwest û got "Bi saya şehîdan gelê Bakur û Rojhilatê Sûriyê ji terorê rizgar bûn û cîhan ji xeteriya terorê xilas bûn."

Demhat soza şopandina rêya şehîdan nû kir.

Di merasîmê de endama Meclisa Mablatên Şehîdan a Şedadê Seher Abdullah jî sersaxî ji malbatên şehîdan re xwest û anî ziman, "Şehîdan ji bo azadî û rûmeta me berdêlên giran dane. Bi fedekariya wan em gihaştine vê astê û bi biratî û aramî dijîn."

Piştî axaftinan endama Meclisa Malbatên Şehîdan Zehra Ubeyd nasnameyên şehîdan xwend û radestî malbatên wan kir.

Şervanên QSD‘ê cenazeyê hevalên xwe hilgirtin ser milê xwe û bi dirûşmeyan spartin axê.

ANHA