Dewreya Şehîd Destan Temûz bi dawî bû

Bi merasîmekê ku bi dehan jin tev lê bûn, Akademiya Jinên Sûriye ya Tebqayê dewreya 9`emîn a bi navê Dewreya Şehîd Destan Temûz, bi dawî kir.

28 ÇILE, 2019 11:41

TEBQA

Rêveberiya Jinan a Tebqayê, Komîteya Jinan a Rêveberiya Sivîl a Demoratîk a Herêma Tebqayê û Yekitiya Jinên Ciwan li rex bi dehan jinên Tebqayê û gundewarên wê, beşdarî merasîmê bûn.

Merasîma bidawîkirina dewreya 9`emîn, bi axaftina rêvebera Komîteya Jinan Roşîn Mihemed dest pê kir. Roşîn bidawîkirina dewreyê pîroz kir û wiha got: "Ev serkeftin roj bi roj rewşa jinan û beşdarbûna wan di hemû aliyên jiyanê de bi pêş de dibe û diyarker e. Her wiha fena pêşketinên pewerdeyê, fikrî û zanekirina jinan a rastiya dîrokî ya ku zîhniyeta merdestiya desthilatdar berovajî kiriye.”

Ji hemû saziyên Rêveberiya Sivîl a Demokratîk a herêma Tebqayê û Meclisa Jinan a gundewarên bajêr bi giştî 39 beşdar tev li Dewreya Şehîd Destan Temûz bûn.

Di dawiya axaftinê de Roşîn wiha got: "Bi perwerdeya jinan li akademiyê, me karî gavên xwe pêşde biavêjin. Îro bersiv e ku jin beşdarî giştî aliyên jiyanê yên siyasî, çandî û qadên leşkerî dibin."

Di dawiya merasîmê de beşdaran dîlan girt.

(fr)

ANHA