Pêla koçberiyê ber bi herêmên rizgarkirî ve didome

HEMED EL-MISTEFA – DIYAR EHMO / DÊRAZOR

Piştî ewlekirina rêyan, ji herêmên bajarokê Hecînê û gundên wê ku şerên giran lê diqewimin, tevgera koçberiyê ber bi herêmên ji aliyê QSD`ê ve hatine rizgarkirin ve, dewam dike.

Di dîmenan de ku nûçegihanên ajansa me kişandine, reva sivîlan a ji çeteyên DAIŞ`ê xuya dike. Koçberan bi xwe re çend pêdiviyên biçûk anîne û mal û milkên xwe li pey xwe hiştine. Yek ji koçberên gundên Hecînê diyar kir ku her roj sivîl ber bi herêmên ewle ve diçin û wiha domand: "Derketina me ne hêsan e, em pir zehmetiyê dibînin heta ku digihîjin QSD`ê."

Sivîl di seatên êvarê de derdikevin, ji ber ku ditirsin çeteyên DAIŞ`ê wan bigirin. Çeteyan mayin li derdora gund û kolanan çandine ku nehêlin sivîl derbasî herêmên rizgarkirî bibin.

Sivîl 15 heta 20 km li ser lingan ji 7 heta 8 seatan dimeşin, di wexteke ku tirs û birçîbûn wan hilak dike, hin ji wan zarokên dergûş radikin û hin ji wan birîndarên wan di şer û teqîna mayinan de radikin û hin ji wan ji ber birîna giran êşa wê tehemûl dikin da ku bigihîjin herêmên rizgarkirî.

Di seatên sibehê de mirov komên sivîlan dibîne û rûyê wan ê biken ber bi herêmên rizgarkirî ve tên, yê din destê xwe ji şervanên QSD`ê re radike da ku alîkariya wan bikin û pêdivî û birîndarên wan rabikin.

Li aliyekî din jî şervanên QSD`ê alîkariya wan dikin, mirov li şervanan dibîne ku çawa bi kêfxweşî wan pêşwazî dikin, hin ji wan zarokan radikin û hin ji wan kalên temen mezin radikin û hin ji wan kesên birîndar radikin.

Hêjayî gotinê ye ku duh zêdetirî 2 hezar sivîlan xwe gihandibû herêmên rizgarkirî.

(jo)

ANHA