Li Til Hemîsê merasîmê şehîdan

Şêniyên navçeya Til Hemîsê cenazeyê şervanê QSD`ê Hesen Sifûk (Lewend) li goristana şehîdan a Til Hemîsê oxir kirin her wiha merasîmeke xiyabî ji bo şervanê QSD`ê Mahir El-Selûm (Elî Silmasa) re hate lidarxistin.

NÛÇE

21 ÇILE, 2019 14:48

QAMIŞLO

Şêniyên navçeya Til Hemîsê cenazeyê şehîd Hesen Sifûk (Lewend) ji Meclisa Malbatên Şehîdan a taxa Enteriyê ya bajarê Qamişlo wergirtin û bi karwanekî ber bi goristana şehîda a navçeya Til Hemîsê ve ketin rê.

Li goristanê merasîm bi rêzgirtin dest pê kir her wiha şervanên QSD`ê toreneke leşkerî lidar xistin. Paşê bi navê Meclisa Malbatên Şehîda a navçeya Til Hemîsê Ehmed El-Ebawî, bavê şehîd Xeys û bi navê meclisa navçeyê Salih El-Xelef axivîn.

Di axaftinan de îşaret bi têkoşîna şehîd Hesen Sifûk û Mahir El-Selûm li dijî çeteyên DAIŞ`ê di baregehên çeteyan ên dawî de, hate kirin. Her wiha soza şopandina rêya şehîdan heta serkeftinê hate dayîn.

Her wiha dagirkirina Efrînê ji aliyê artêşa Tirk a dagirker û çeteyên wê ve, talankirin û wêrankirin hatin şermezarkirin û soza rizgarkirina Efrînê û herêmên din ên Sûriyê hate dayîn.

Paşê wesîqetên şehadetê ji aliyê Ehmed El-Ebawî ve hatin xwendin û radestî malbatên herdû şehîdan hatin kirin. Di dawiyê de cenazeyê şehîd Hesen Sifûk di nava dirûşmeyên dilsoziya bi şehîdan re hate veşartin.

(bx)

ANHA