Kongreya PYD‘ê ya li Qenayayê bi dawî bû

KOBANÊ

Kongreya PYD’ê ya yekemîn li navçeya Qenaya ya Kobanê bi diruşmeya  “Em ê bi vîn û rêxistin, Efrînê rizgar bikin û Sûriyek nenavendî û demokratîk ava bikin” vê sibehê destpê kirbû.

Piştî axaftinan endamên dîwanê ji 5 kesan hatin hilbijartin.

Paşê nirxandinên Rêberê Gelê Kurd Abdullah Ocalan ji aliyê endamê Desteya Rêveber a PYD‘ê Ehmed Xoca ve hatin xwendin, her wiha rewşa siyasî ji aliyê endamê meclisa partiyê Mustefa Ebdî ve hate nirxandin.

Ebdî di axaftinan de bal kişand li ser girîngiya rêxistinbûyî û xwedîderketina li felsefeya Rêberê Gelê Kurd Abdullah Ocalan destnîşan kir. Her wiha gefên Tirkiyê li ser herêmên Bakur û Rojhilatê Sûriyê û bêdengiya civaka navdewletî ya li hemberî binpêkirinên dewleta Tirk a dagirker şermezar ki û got, gelê herêmê bi îrade û hêza şervanan dê herêmên dagirkerî rizgar bikin.

Di kongrê de rapora  salane ya rêxistina jin a PYD`ê ji aliyê endama meclisa jin a PYD`ê Rohat Mele Xelîl û rapora navçeya Qinê ji aliyê rêveberiyê Komîteya perwerdeyê Cefer Ehmed ve hatin xwendin. Her wiha nirxandin û pêşniyarên beşdaran jî derketin pêş.

Di dawiya kongrê de jî bo hilbijartina rêveberên nû dengdan dest pê kir. 14 kes (9 jin û 5 zilam) hatin hilbijartin.

Kongre bi dirûşmeyên "Xebateke xurt û jiyaneke azad" bi dawî bû.

Tê payîn ku wê PYD`ê wê kongreya xwe li Kobanê, Şêran, Çelebî lidar bixe.

(ekîp)

ANHA