Li Kampa Erîşayê Akademiya Şehîd Ezîz Ereb hate vekirin

Li Kampa Erîşayê ya kantona Hesekê ku derdora 10 hezar koçber û penaber dihewîne akademiyeke perwerdeyê bi navê "Şehîd Ezîz Ereb" hate vekirin.

10 ÇILE, 2019 18:06

HESEKÊ

Akademî bi merasîmekê ji aliyê Meclisa Kantona Hesekê ve hate vekirin. Bi dehan niştecihên kampê û endamên saziyên sivîl û meclisên Hesekê beşdarî merasîmê bûn.

Akademî bi mebesta perwerdekirina niştecihên kampê hate vekirin.

Merasîm bi xwendinekê li ser kurtejiyana şehîd Ezîz Ereb destpê kir ku yekemîn şehîd ê ji pêkhateyê Ereb di nava tevgera azadiya Kurdistanê de şehîd dibe.

Piştre Hevseroka Kantona Hesekê Semer Ebdullah axivî û got " Akademî cihê perwerde û zanistê û dê fêrbir fikira xwe geş bikin û zanistê bigirin, ji ber vê sedemê em akademiyê ji koçberan re vedikin."

Endama Rêveber a Kampa Erîşê û Rêvebera akademiyê Selwa Hecî rewşa kampê bi bîr xist û teqez kir ku vekirina akademiyê li kampê girîng e û destnîşan kir ku dê semînerên li ser jinelojî, netewa demokartîk, parastina rewa û civaka xwezayî û hwd werin dayîn.

Deriyê akademiyê ji aliyê Hevseroka Mecilsa Kantona Hesekê ve hate vekirin.

(dh)

ANHA