Kurdistaniyên li Lubnanê jî dest bi çalakiya greva birçîbûnê kirin

Kurdistaniyên li Lubnanê tecrîda girankirî ya li ser Ocalan şermezar kirin û daxwaza azadiya wî kirin, her wiha destnîşan kirin ku armanca Tirkiyê şikandina vîna gelê Kurd e.

1 ÇILE, 2019 11:13

BEYRÛT

TEV-DEM û Kongreya Star li Lubnanê dest bi çalakiya greva birçîbûnê kir û dê rojekê dewam bike, çalakî ji bo tecrîda girankirî li ser Rêberê Gelê Kurd Abdullah Ocalan û teqez kir ku ew ê heta rizgarkirina wî ji zindana Îmraliyê, çalakiyên xwe dewam bikin.

Çalakî li navenda Weqfa Newroz bi beşdarbûna bi dehan kurdistaniyên Lubnanê hate lidarxistin. Cihê çalakiyê bi wêneyên Ocalan û al û sembolên Kurdan hate xemilandin.

Çalakî bi sînevîzyonekê ku Ocalan tê de behsa doza Kurdan û rêyên pêkanîna azadiya gelên bindest dike, dest pê kir.

Paşê endama rêveberiya TEV-DEM`ê Şervîn Cûdî çalakiya grevê silav kir. Şervîn destnîşan kir ku çalakiya parlamentera Kurd Leyla Guven ji bo daxwaza azadiya Ocalan û rakirina tecrîdê, kete roja 53’yan. Şervîn da zanîn Tirkiyê bi rêya siyasetên xwe dixwaze vîna gelê Kurd bişikîne.

Çalakî bi silavkirina berxwedana Rêberê Gelê Kurd Abdullah Ocalan û berxwedana Leyla Guven dewam dike.

(jo)

ANHA