Greva birçîbûnê ya li Helebê qediya

HELEB

Kongreya Star li  taxa Şêxmeqsûd a Helebê  beriya 3 rojan bi armanca piştgiriya çalakiya Leyla Guven û şermezarkirina tecrîdkirina Rêberê Gelê Kurd Abdullah Ocalan bi dirûşmeya "Berxwedan jiyan e, em ê perala Îmralî hilweşînin"  grava birçîbûnê dabû destpêkirin. Bi jin ketinbûn grevê.

Di roja sêyemîn a dawî ya grave de, nûnerên MSD, Partiya Yekitiya Demokratîk (PYD), Hevbendiya Niştimaniya Demokratîk, Hêzên Parastina Civakê, Hêzên Asayîşê, Tevgera Çand û Hunerê, Tevgera Ciwanên Şoreşger, Mala Êzidiyan û Dîwana Edaleta Civakî serdana çalakgeran kirin.

Di çalakiyê de axaftin hatin kirin. Kesên axivîne bal kişandin li ser polîtîkeyên dagirkeriya Tirkiyê yên li derve û hundirî welat, bi taybet li dijî Efrînê û bang li raya giştî û rêxistinên mirovî kirin ku erka xwe pêk bînin û sînorekî ji zêdegaviyên Tirkiyê re deynin û Abdullah Ocalan azad bikin.

Her wiha Ekîpa Aştiyê ya Jinên Sûriyeyê ya Helebê jî serdana konê çalakiyê kirin. Endama ekîpê Cîhan axivî û got: "Jin bingeha jiyanê ye, greva birçîbûnê ya li taxa Şêxmeqsûd gaveke nû ya xeta berxwedanê ya jinê ye. Çalakiya we cihê serferaziyê ye asta fikrê azad û ronakbîrî diyar dike."

Cîhan di axaftina xwe de hêviya serbestberdan Leyla Guven kir û çalakger muxteb girt û got: "Em hêvî dikin ku hûn xebatên diyarkirina dîmenek ronîdar ne tenê ya jina Kurd lê belê hemû jinên cîhanê bidomînin. Hûn ji bo jinan mînak in û em hêviya serkeftinê ji we re dixwazin."

Çalakiya greva birçîbûnê bi daxuyaniyekê bi dawî bû. Endama Komîna "Şehîd Şîlan" Nesrîn Mihemed daxuyanî xwend.

Daxuyanî wiha ye:

'Bi navê jinên taxa Şêxmeqsûd a Helebê em tecrîda giran ku li Rêberê Gelê Kurd Abdullah Ocalan û têkoşerê mafên hemû gelên bindest û bi taybet doza jinê hatiye ferzkirin şermezar dikin. Ocalan ji bo ku bibe xwedî vînek xurt û fiker azad tê dikoşe.

Berxwedana Leyla Guven mîrata berxwedana hevalan li girtîgehan mîna Mezlûm Dogan, Mihemed Xeyrî Durmuş, Sakîne Cansiz, Serok Apo û gelek hevalên din e. Wan hevalan li hember stemkariya pergalên ku dixwazin civakê tune bikin bi lehengî li berxwe dane û em ê bi têkoşîna xwe hewldanên dijmin têk bibin.

Em bang li hezkiriyên azadiyê li cîhanê dikin ku piştgiriya berxwedana Leyla Guven bikin û dengê me bighînin Leyla Guvenê. Em bang li hemû rêxistinên hiqûqî û demokratîk dikin û dibêjin gelo wijdana mirovahiyê ya ku di xewê de ye ji qêrînên gel û binpêkirinên der heqê mirovahiyê de li Efrîn û li girtîgehan der heqê girtiyên siyasî û seroka Apo de li ku derê ye?.'

(şx)

ANHA