‘Em berxwedana Leyla Guven li her deverê jiyan bikin‘

SILAVA EBDULREHMAN / QAMIŞLO

Hevseroka KCD’ê û parlementera HDP’ê Leyla Guven a ku dîl hatiye girtin li hemberî tecrîda li dijî Rêberê Gelê Kurd Abdullah Ocalan di greva birçîbûnê ya bêdem û dorveger de ye.

Rêveberên Buroya Jin a Meclisa Sûriyeya Demokratîk (MSD) piştgirî dane girava Leyla Guven û got: "Em li her deverê berxwedana Leyla Guven jiyan bikin."

Canda Mihemed anî ziman ku têkoşîna Leyla Guven a girava berçîbûnê têkoşîneke pîroz e û ev tişt anî ziman: "Li Rojhilata Navîn şerê cîhanê yê seymîn rû dide, ne şerê siyasî û ne jî bazirganî an jî doplomasî ye, lê belê şer li hemberî hebûn û îradeya jin e. Leyla Guven jî li hemberî vê yek têkoşînê dike."

Canda bang li hemû jinan kir ku li hember zulma li ser jinan bi taybet Bakurê Kurdistanê û herêmên ji aliyê Tirkiyê ve hatine dagirke bisekinin û yekitiya xwe ava bikin.

Emel Şemdîn ji aliyê xwe de got: "Çalakiya Leyla Guven hêz û îradeya jin îsbat kir, ku jin xwedî îrade û hêzeke tu kes nikare li hemberî wê bisekine. Leyla zulm û koletiya li ser jinan hatiye ferz kirin her wiha tecrîda li dijî Rêberê Gelê Kurd Abdullah Ocalan red dike."

Emel anî ziman ku Leyla Guven mînaka jina azad e ya ku teslîmkarî qebûl nake û got: "Tevî hemû zextan û cezayên girankirî Leyla serî netewand qebûl nekir."

Emel Şemdîn bang li hemberî binpêkirinên li dijî jinan banga hevgirtinê li hemû jinan kirin.

ANHA